_banat
^

Banat Balita

Seedlings og planting materials ipanghatag sa CAD

Gabriel C. Bonjoc - Banat
Seedlings og planting materials ipanghatag sa CAD
Makuha ang seedlings didto sa CAD Nursery sa North Reclamation Area (NRA), Block 27, diha sa Barangay Mabolo duol sa Cebu City Quarantine Center (CCQC)
STAR/File

CEBU, Philippines — Libreng seedlings ug planting materials ang i-apod apod sa Cebu City Agriculture Department (CAD) alang niadtong mahiligon og mga tanum.

Suma pa sa statement sa CAD nga pinasubay kini sa direktiba ni Cebu City Mayor Edgar Labella.

Makuha ang seedlings didto sa CAD Nursery sa North Reclamation Area (NRA), Block 27, diha sa Barangay Mabolo duol sa Cebu City Quarantine Center (CCQC)

Gilangkoban kini sa forest ug fruit trees,ornamental, herbal ug vegetable seedlings.

Adunay limit sa gidaghanon sa ihatag nga seedlings aron maapod apod kini og tarong ngadto sa mga nagtinguha sa pagpananum nga gitawag usab og plantito ug plantita.

Nasayran sukad nitumaw ang pandemya nagkadaghan usab ang mahiligon na sa pagpananum nga maoy usa ka pamaagi nga mawala ang kalaay.

First come, first serve “ang sistema sa maong programa. Mangabli ang NRA Nursery gikan sa Lunes hangtud sa Biyernes , gikan sa alas 9 sa buntag hangtud sa alas 4 sa hapon. — Sanden J. Anadia/MEL

Youth Home sa Minglanilla hugtan na ang pagbantay

Pahugtan sa lungsod sa Minglanilla ang pagbantay sa mga menor de edad nga nag-atubang og kaso diha sa youth home.

Kini maoy gipasalig ni Concordio Mejias, municipal administrator sa Lungsod sa Minglanilla.

Una niini, usa ka 17 anyos babaye ang upat na ka higayon nga nakaikyas sa maong pasilidad ug nitahan ngadto ni Mejias aron sab madungog ang iyang hangyo nga tarungon sa nagdumala ang pagdala kanila.

Ang maong batan-on nag-atubang og kaso may labot sa ilegal nga drugas niadtong miaging tuig.

Suma pa sa maong batan-on nga nakadesisyon siya nga moikyas aron makauban ang pamilya ug dugang niya nga wa na siya makasabot sa dinad-an sa mga nagdumala diha sa nahisgutang pasilidad.

Ang inahan sa menor de edad niingon nga iyang gibalik ang iyang anak sa pasilidad aron tapuson ang kaso nga giatubang niini.

Si Mejias niingon nga dungagan nila ang gwardya sa youth home aron dili na yano nga makalayas ang mga batan-on.

Gawas pa niana, mohimo sab sila og seminar sa mga nagtrabaho sa pasilidad aron makamao kini modala sa mga batan-on nga adunay kalapasan sa balaod. — MEL (BANATNEWS)

CEBU CITY AGRICULTURE DEPARTMENT
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with