^
Travel ban gimando batok sa 19 ka nasud
Nasayran nga ang maong new COVID-19 variant nga unang na-detect sa United Kingdom nakasulod na sa mga nasud sa South Africa, Switzerland, Denmark, Israel, Hong Kong, Spain, Ireland, Netherlands, Singapore, Lebanon, Japan, Canada, Germany, Sweden, Australia, France, Iceland ug South Korea.
STAR/File

Travel ban gimando batok sa 19 ka nasud

Decemay Padilla (Banat) - December 30, 2020 - 12:00am

Cebu, Philippines — Ning pagtumaw sa bag-ong variant sa Corona Virus Disease(COVID)-2019, si Cebu City Mayor Edgardo Labella mibutyag nga kinahanglan kining pangandaman sa siyudad.

Nasayran nga ang maong new COVID-19 variant nga unang na-detect sa United Kingdom nakasulod na sa mga nasud sa South Africa, Switzerland, Denmark, Israel, Hong Kong, Spain, Ireland, Netherlands, Singapore, Lebanon, Japan, Canada, Germany, Sweden, Australia, France, Iceland ug South Korea.

Gani gidid-an na makasulod sa Pilipinas ang mga gikan sa maong mga nasud sugod kagabii ,Disyembre 29 hangtud sa Enero 15.

Hinuon kadto rang mga langyaw maoy dili pasudlon, ang mga Pilipinong Balikbayan pasudlon apan diretso sila sa Clark alang mandatory 14-day quarantine.

Kahinumduman nga si Presidente Rodrigo Duterte miingon nga kun mograbe ang sitwasyon sa new COVID-19 variant hayan dunay laing lockdown nga mahitabo.

Si Labella miingon ang Cebu City andam mosunod niini apan dili total lockdowns kondili granular lockdown gihapon.

Si Health Secretary Francisco Duque III namahayag nga mas paspas makatakod ang bag-ong coronavirus variant , apan parehas ra gihapon kini og epekto sa Covid-19.

Ang mayor mimando karon sa Cebu City Health Department ug Emergency Operations Center paghimo og mga tamdanan alang sa mga mosulod sa dakbayan.

“They will be strictly monitored, there will be quarantine measures that will be impose on them,” ni Labella pa.

Kun pananglitan makasulod kining bag-ong COVID-19 variant sa siyudad si Labella miasoy nga i-isolate dayon kini diha sa Cebu City Quarantine Center nga dunay mga ekipo alang niini.

Monitoron ug tun-an kini aron isumetir ngadto sa Department of Health alang sa dugang pagtuon ug pag-analisar.

Masaligon si Mayor Labella nga andam ra ang health care facilities sa siyudad alang niini.

Samtang si Mayor Jonas Cortes sa Dakbayan sa Mandaue niawhag sa Mandauehanon nga magpabiling magmabinantayon ug disiplinado sa kanunay ilabi na sa bag-ong hulga sa strain sa virus.

Sumala pa sa mayor bisan og padayon ang pagkubos sa mga kaso kinahanglang mosunod ang tanan sa mga health protocols ug minimum health standard.

Matud niya anugon kaayo ang sakripisyo sa tanang mga nagpakabana sud na sa dul-an usa ka tuig. – Rowena D. Capistrano ( BANAT NEWS)

COVID-19
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with