Labing halandumon nga Pasko

Samtang ang Pasko 2020 maoy labing mingaw, apan alang sa uban maoy labing memorable ug most  blessed Christmas, despite sa pandemic. By the way, sa di pa ta mopadayon, giingon nga ang nangamatay karon sa tibuok kalibotan, gumikan sa pandemic, mas daghan pa ka sa nangamatay sa niaging ikaduhang gubat sa kalibutan. Sa mga tambay pa: imagine of that … unsa ka-bangis kining  kagaw nga mihasol kanato karon, ug mikalas na’g daghang kinabuhi!  Gumikan sa pandemic nahipos kitang tanan.

Dugaydugay na kitang natanggong sulod sa atong mga panimalay. Samtang gikaguol ug gipanghimaraot kini sa uban, gikahimut-an ug gikalipay usab kini sa lain, kay matud nila kanunay silay nag-family bonding, nga tagsa dang mahitabo during normal times. Sa unang mga panahon, maoy magpasuwabi ang mga Christmas party, kaon dinhi, kaon didto, inom dinhi, inom didto. Alegre gyud kaayo, apan, dili kauban sa mga sakop sa banay, kondili, kauban sa mga officemates, kahigalaan, ug mga barkada. Unya, in most instances, adto ta magsaulog sa Pasko (kasagaran, lunch of dinner outside) sa mga restaurant, mga mall, ug sa mga dagkong department stores. Hinuon, ang uban di gyud mosipyat pagtambong sa Misa de Gallo ug sa Simbang Gabi mismo. Maayo na lang.

Ug karon, gumikan sa pandemic, napugos kita pagsaulog sa Pasko sulod sa atong mga panimalay, kauban sa kompleto nga sakop sa panimalay.

Makaingon kita nga Christmas minus the malls and restaurants. Maoy hinungdan nga alang kanila, it was the most memorable and most blessed Christmas they ever had. They celebrated Christmas in their hearts. Ikaw, unsa man?

* * *

”Dili obstructionist ang City Council,” mao kini ang pamahayag ni Vice Mayor Mike Rama, tapus aprobahi ang P10 billion nga budget alang sa sunod tuig.

Matud niya, nga napatik sa The Freeman: “We have always been telling that we will always be complementing, collaborating, coordinating, and highlighting the word fiscalizing. And what would I have to say, gratification, thankfulness to the council, and most of all, God’s guidance.”

Nindot. Ato ning gi-highlight dinhi tungod kay matag karon ug unya, adunay  mobutho nga mga huhongihong (translated, fake news) nga dili kuno maayo ang relasyon tali sa mayor ug sa bise mayor. It seems nga adunay mga nagtinguha pag-guba niining maong relasyon.

Pastilan! Di man sila makahuwat sa 2022 election. Ato unang i-put on-hold ang politika. Magtinabangay lang una kita karon, ilabina na niining atong panahon karon nga gisigehan kita’g tay-ug sa makalilisang nga kagaw. 

Matud ni Konsehal Raymond Alvin Garcia, sa P10 bilyones nga budget, P400 million niini ang gigahin alang sa vaccines ug ubang medisina. Ug aniay gikan sa Internet: “Philippines can secure up to 25 million doses of Moderna, Arcturus vaccines.” Nindot. Matud ni Ambassador Jose Manuel Romualdez: “We are hoping our government will consider the promising candidates of Moderna and Arcturus for inclusion in our country’s pool of anti-COVID-19 vaccines.”

Gipaabot nga ang Arcturus makasugod na’g distribute sa vaccine sa unang quarter sunod tuig.

Nia pa, gikan gihapon sa Internet: “Philippines to get 30 million doses of Novavax COVID-19 vaccine.” Expected kini by July next year.

Meantime, tuman gihapon sa mga health protocols.