27 ka tawo niapil sa SuGod Program sa Archdiocese of Cebu
CEBU, Philippines — Nikabat ngadto sa 27 ka tawo ang niapil sa Surrender to God Program sa Archdiocese of Cebu nga gipangulohan ni Fe Mantuhac-Barino, chairman sa SuGod ug Commission on the Laity.
Matud ni Barino nga aduna silay mga nagkadaiyang kalihokan nga giandam sama sa duha ka semana nga Drug Recovery and Renewal Program, upat ka semana nga Life Skills and Construction Skills Training Stay Out ug lakip usab ang duha ngadto sa upat ka buwan nga “on the job training” sa construction. Si Barino nagkanayon nga ang maong training maoy ika-19 nga batch diin 19 ang pinakabata ug 58 ang pinakatigulang.
Nasayran nga sa 27 ka tawo nga niapil, 18 niini ang single ug walo ang minyo.
Ang mga niapil sa batch 19 sa SuGod program gilangkuban sa 15 sa Lungsod sa Liloan; usa sa Lungsod sa Consolacion; walo sa Cebu City ug Toledo. –BDB (BANATNEWS)
- Latest
