^
Social distancing wa  masunod sa Misa de Gallo
Si Cebu City Konsehal Joel Garganera, Deputy Chief Implementer for Inter-Agency Task Force Emergency Operations Center mipasabot nga gusto lang gyud unta si Mayor Edgardo Labella nga makat-on ang katawhan nga mopuyo sa gitawag nga new normal.
Walter Bollozos

Social distancing wa masunod sa Misa de Gallo

Decemay Padilla (Banat) - December 18, 2020 - 12:00am

Cebu, Philippines — Nisugwak gihapon ang daghang mga manimbahay sa ikaduhang adlaw sa Misa de Gallo particular sa gawas nga bahin sa nagkadaiyang simbahan bisan pa sa paninguha sa kaparian ug sa mga lokal nga kagamhanan nga mamentinar ang social distancing tungod kay risgo kaayong dunay mangatakdan sa novel coronavirus.

Si Cebu City Konsehal Joel Garganera, Deputy Chief Implementer for Inter-Agency Task Force Emergency Operations Center mipasabot nga gusto lang gyud unta si Mayor Edgardo Labella nga makat-on ang katawhan nga mopuyo sa gitawag nga new normal.

Apan base sa ilang nakita sa mga simbahan ilabi na sa ikaduhang adlawa sa Misa de Gallo, si Garganera miasoy nga nagpakita lang kini nga dili pa gyud andam ang mga tawo sa new normal.

Matud niya wala gani motuman ang mga tawo bisan sa basic health protocols nga gimando aron proteksyon batok sa coronavirus sama sa pagsul-ob og face mask ug face shield ug ingon man social distancing nga gihulagway niyang basic ingredients sa new normal. Si Garganera nipahinumdom nga dili unta abusaran sa mga tawo ang kagawasang gihatag sama sa pagsuspensyo sa paggamit sa quarantine pass.

“With the way we are doing it right now you know the government can only do so much, I expect the people to step in, dili pwede nga kami ra (ang maningkamot maprotektahan ang mga tawo),” sigon ni Garganera.

Tungod sa makapabalakang sitwasyon, nihimo og kausaban ang mga kaparian sa Basilica Minore del Sto. Niño de Cebu sa mga oras sa misa.

Ang tigpamaba sa Basilica Fr. Ric Anthony Reyes nitug-an nga ilang gipaniguro nga masunod gyud ang health protocols butang nga wala masunod sa nakalabay nga duha Misa de Gallo.

Tungod niini kaduhaon na ang Misa de Gallo, alas-4 ug alas-5:30 sa buntag, samtang alas 7:30 usab ang Simbang Gabi ug  magbutang sila og led monitor screens ang sound system sa ground sa Magellan’s Cross. Giawhag usab nila ang katawhan nga mag social distancing gyud ug dili modutdot sa ubang nanimba.

Samtang sa Archdiocesan Shrine of Our Lady of Guadalupe Cebu, gigamit nila ang ilang parking area aron daghang makasimba apan gilimitahan kini ngadto lang sa 200 ka tawo subay sa mga bangko nga gibutang.

Si Labella nanawagan nga kinahanglan niya ang kooperasyon sa katawhan nga mosunod sa health protocols tungod kay kini maoy nakapamenus sa gidaghanon sa mga kaso sa Covid-19 sa siyudad.

Matud pa sa mayor nga bisan ubos sa modified general community quarantine (MGCQ) ang siyudad nagpadayon ang kombate batok sa virus.— Rowena Capistrano ug Sanden J. Anadia (BANAT NEWS).

MISA DE GALLO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with