Emergency subsidy program gisugdan na sa DSWD

Cebu, Philippines — Department of Social Welfare and Development Central Visayas nagsugod na sa pag implementar sa Emergency Subsidy Program ubos sa Bayanihan to Recover as One Act o Republic Act No. 11494 . Ang Target Beneficiaries ubos sa ESP naglangkob sa mga gagmay ug income nga pamilya nga anaa sa granular lockdown, kadtong mga kwalipikado nga pamilya nga wala malakip sa SAP 1 ug SAP 2 subsidies ug mga bag-ong niuli nga Overseas Filipino workers nga ubos ang kita ug naa sa granular lockdown nga lugar.

Sukad niadtong Disyembre 9, 2020 niabot na ngadto sa 10,132 low income families ang nakadawat sa ilang emergency cash subsidy nga mobalor ug 6mil pesos o niabot ngadto sa 60, 792,000.00

Sa 10, 132 ka pamilya, 525 anaa nagpuyo sa lugar nga ubos sa granular lockdown sukad Septiyembre 14 ang nahatagan ug 6mil pesos gikan sa Trinidad, Tubigon, ug San Miguel sa Bohol ug samtang sa Zamboanguita sa Negros Oriental.

Ang DSWD Field Office VII naka hatag usab sa 9,607 ka mga beneficiaries sa mga pamilya nga wala malakip sa sayong pagpanghatag sa SAP. Matud pa ni Rebecca Geamala, rehiyonal nga director ang Bayanihan 2 dili matawag ug SAP 3 o sumpay sa SAP 1 ug SAP 2 kung dili ubos gayud siya sa RA 11469. Ang Local Government Unit maoy mo identify sa mga beneficiaries base sa criteria nga gihatag sa buhatan sa DSWD-7. — Rowena D. Capistrano/MEL