^
TPUJ hayan pasudlon sa Cebu City
Ang Cebu City Jeepney Task Force ang mga traditional public utility jeepneys nitugot na nga makasulod sa siyudad ang mga pasaheroan gikan sa silingang mga local government units.
STAR/File

TPUJ hayan pasudlon sa Cebu City

Decemay Padilla (Banat) - December 9, 2020 - 12:00am

CEBU, Philippines — Gitugotan na sa Cebu City Jeepney Task Force ang mga traditional public utility jeepneys gikan sa silingang mga lugar nga makalahos o makasulod sa siyudad, apan magkinahanglan kini og pagtugot ni Mayor Edgardo Labella.

Si Cebu City Councilor James Anthony Cuenco, chairman sa maong task force miingon nga kinahanglang may pagtugot sa mayor ang pagpasulod kanila gumikan kay nagkinahanglan og executive order ni Labella ang maong katuyuan.

Gipahibawo sab ni Cuenco nga nadugangan og 12 ka rota sa mga TPUJs ang siyudad aron mas daghang pasaherong maserbisyohan.

Ang maong mga rota naglangkob sa 10H - Bulacao-SM, 14D - Capitol-Ayala-Colon, 02B - CSBT-Pier 1,2,3 ug 4, 06H- Guadalupe-Ayala-SM, 17B - Lahug-Apas-Carbon, 04H - Lahug-Busay-Carbon, 03B - Mabolo-Carbon via Jone, 03L - Mabolo-Luyo-Carbon, 03A -  Mabolo-Panagdait-Carbon, 15 - Opra-Carbon, 10H - Pardo Basak-Colon, 62B - Talamban-Brgy. Guba-Carbon via E. Chavez ug 04M - Lahug-Ayala.

Gawas sab niini giaprubahan sab nila ang rekomendasyon sa Land Transportation Franchising and Regulatory Board(LTFRB)-7 nga magdugang og 20 ka buses nga magdagan sa kadalanan sa siyudad sa Sugbo.

Ang maong mga buses gikan kini sa Corominas diin modugang kini sa existing nga mga buses nga una ng nagdagan sa kadalanan sa siyudad.                                  

Kuwang ang transportasyon

Nagdugang og buses ang siyudad kay nakita nila nga kuwang gyud ang buses nga maoy mopasakay sa mga pasahero sa siyudad.

“Dako nga factor because it will really improve the transportation needs on the riding public especially mga workers nato who comes from different points gikan sa Cebu City. It will really ease the burden of these people,” sigon ni Cuenco.

 Sa pikas bahin, way TPUJs nga nakabiyahe na ang naisyuhan og ticket tungod sa paglapas sa higpit nga gipatumang minimum health protocols ug lagda sa trapiko sa ilang pagpamasahero sukad nga sila gianam-anam og padagan duha ka semana na ang nakalabay.  

Kahinumdoman nga atol sa screening sa mga drayber gipahimangnoan sila nga motuman gyud sa lagda sa trapiko ingon man usab ang pagpatuman sa health protocols.

Gipahibalo sab silang daan nga kung duna kanilay makalapas, otomatikong bawion ang ilang Balik Pasada ID nga maoy naghatag kanila og pribelihiyong makapamasahero samtang ang siyudad ubos pa sa modified community quarantine.— Sanden J. Anadia/IBM (BANATNEWS)

JEEPNEY
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with