_banat
^
Nisilaob nga wire niugdaw sa kabalayan
Gipangapud-aporan og dinaliang panginahanglan sa City Social Welfare Service sa Mandaue City kining mga nasunogan sa Sitio Superior, Brgy. Looc kansang mga balay gilamoy sa lima ka oras nga sunog.
Joy Torrejos

Nisilaob nga wire niugdaw sa kabalayan

Mae Fhel K. Gom-os (Banat) - December 8, 2020 - 12:00am

CEBU, Philippines — Misilaob nga wire gikan sa poste nga konektado sa duha ka andanang balay maoy gituohang hinungdan sa lima ka oras nga sunog nga miugdaw ug nakadanyos sa dili moubos 116 ka mga balay sa Sitio Superior, Barangay Looc sa dakbayan sa Mandaue kaniadtong Domingo sa gabii.

Matud ni SFO2 Edgar Vergera, chief investigator sa Mandaue City Fire Station, usa ka wire gikan sa poste nga konektado sa usa ka kwarto sa ikaduhang andana sa balay nga ginapag-iya sa usa ka Jean Jayag ang gidudahan nilang hinungdan.

Dugang ni Vergara nga basi sa joint statement ni Jayag ug iyang ig-agaw nga ang maong wire nga konektado sa kwarto nisilaob. Matud pa ang suga sa maong lawak nabantayan nga nagsige og kidlap-kidlap.

“Before kuno niya (Jayag) nakit-an ang kayo midako sa kilid sa kwarto sa second floor, dihay wire sa poste nga nag connect didto. Nakita niya ang wire sa poste padung sa kwarto nisiga. Unya before nidako ang kayo, ang ilaha (sa iyang cousin) pud kunong suga kay tapad man sila’g balay, nag on and off,” sigon niya.

Si Vergara miiingon nga tungod sa panahon sa Pasko, kasagaran sa hinungdan sa sunog mao ang electrical short circuit, pagkawala sa koneksyon, ug ang electrical overload.  

“Ang kada balay nag-prepare sa Christmas season, dunay mga series (lights) sa gawas ug sa sud. Kay kini nga orasa 10:12 (PM) ang atong pagtawag sa alarm, duna siyay tendency nga wala pa namawong ang mga tagbalay sa Christmas decorations,” dugang niya.

Samtang si Jeannylyn Jayag, igsuon ni Jean nagduda siya nga dunay nagbubo og gas sa kwarto sa ikaduhang andana sa ilang balay nga maoy hinungdan sa maong sunog.

Matud niya igo ra silang nahuman og rosaryo ug nanganaog sa ubos aron manan-aw og telebisyon sa dihang nakatimaho sila og gas gikan sa taas.

Apan kini gihimakak ni Vergara.

“Dili na tinuod. Nanimaho na siyang gas kay kining kilid sa balay ni Jean Jayag, ambot kinsay tag-iya ana, duna na silay mga baligyang butane. Dunay butane nakit-an namo didto nga stocks nga walay sulod ug ang uban nasunog na. Ug dili to posible nga maoy cause sa fire kay ang cause sa fire gikan man sa second floor. Manimaho man gyud ng butane og mo-leak na,” sigon ni Vergara.

Base sa datos sa Mandaue City Social Welfare Services alas 11 sa buntag kagahapon, nakatala sila og dili moubos 124 ka mga pamilya nga namakwit sa gym sa barangay ug sa Cesar M. Cabahug Elementary School kay naugdaw ilang panimalay.

Sa dili moubos 116 ka balay nga hinimo sa light materials, 107 niini ang hingpit nga nasunog samtang siyam ang nakan-an sa kalayo ug gibanabang P1.4 milyones ang danyos nga gibilin niini.

Giklaro sab ni Vergara ang rason kun nganong naabtan sila hapit og lima ka oras pagpawong sa kalayo kini tungod kay piot kaayo ang dalan para makasulod ang firetrucks paduol sa fire scene. Nasuta nga katunga sa dalan dili maagian tungod kay giayo.

“Naglisod og sud atong mga truck kay ilang dalan karon is under construction, katunga ra sa lane atong maagian, both sa exit ug entrance,” sigon niya.

Nadawat ang alarma sa sunog alas 10:12 sa gabii niadtong Domingo, Disyembre 6, 2020, ug hingpit napawong alas 2:59 na sa kaadlawon adlaw nga Lunes.

Sa iyang bahin, Si Looc Barangay Captain Allan Siazon nanawagan sa katawhan alang sa donasyon para sa mga biktima.

Sa pagkakaron, padayon nga naghatag ang Mandaue City Social Welfare Services sa mga apektadong indibidwal og mga pagkaon lakip na ang comforter, sanina hangtod sa Miyerkules. –Romeo Limpangog/IBM (BANATNEWS)

MANDAUE CITY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with