4 ka durugista sikop sa managlahing operasyon sa kapolisan
Cebu, Philippines — Duha ka durugista ang nadakpan sa managlahing operasyon sa kapulisan sa lungsod sa Minglanilla.
Unang operasyon nga gihimo didto sa Barangay Tulay, nasikop si Roselito Tapa alyas Tudoy, 37 anyos nga usa ka habal-habal drayber.
Nakuhaan siya og drugas nga nitimbang og 1.44 gramos nga nibalor og P9, 792.
Laing operasyon natigayon didto sa Lower Linao, Barangay Linao-Lipata sa maong lungsod. Ang nasikop mao si John Lee Alpuerto alyas John Lee, 22 anyos nga nagpuyo sa maong lugar.
Sila si PSSg Robert Escobia ug Pat James Borres nakakuha og drugas nga nitimbang og 0.48 gramo nga nibalor P3, 264.
Samtang duha usab ang nadakpan ug usa ang nakaseskapo sa buy bust operation sa kapolisan sa may Sitio Banqkerohan, Barangay Sun-ok, Barangay Tayud, Lungsod sa Consolacion niadtong Biyernes sa gabii.
Si Police Major Verniño Noserale, hepe sa Consolacion Police Station miila sa mga nadakpan nga sila si Bertson Estrella Retiza, 25 anyos nga taga Sitio Bangkerohan sa Barangay Tayud ug Wence Lee Vargas, 28 anyos nga nagpuyo usab sa maong dapit.
Ang nakasibat giila nga si Ludimer Veras, hingkod ang panuigon nga taga Barangay Tayud sa maong lungsod.
Nasakmit sa kapolisan gikan sa duha ka dinakpan ang 11 ka gagmay nga paketeng shabu ug nakuha usab ang marked money. - Romeo T. Limpangog ( BANAT NEWS)
- Latest
