Nanghulgang i-post ilang sex video gidakop
Sa prisohan ang punta aning 20-anyos nga estudyante nga gidakop human gireklamo sa iyang kanhi uyab tungod mihulga ang suspek nga i-post ilang mga sex video sa social media.
Romeo Marantal

Nanghulgang i-post ilang sex video gidakop

Iris Hazel M. Mascardo (Banat) - December 5, 2020 - 12:00am

CEBU, Philippines — Usa ka 20-anyos nga estudyante ang gidakop ug karon nag-atubang og patong-patong nga kaso human mihulga sa iyang kanhi uyab nga i-post ilang mga sex video sa social media.

Ang suspek gidakop pinaagi sa usa ka entrapment operation sa F. LLamas St. Barangay Tisa Cebu City Huwebes sa gabii, Disyembre 4, 2020. Ang Banat News mitago lang sa pangalan sa suspek aron pagprotektar sa reklamante.

Ang entrapment operation gihimo human nidangop sa Regional Anti-Cybercrime Unit (RACU) -7 ang 19 anyos nga dalaga ug misumbong bahin sa pangpanghadlok sa suspek kung dili kini mosugot nga makighilawas og balik kaniya.

"Karon kay sa ing-ani nga sitwasyon-uyab sila, ang ginikanan walay kalibutan, unya gi document diay nila ilang mga exhibition. Karon kay kaning complainant di naman gyud ganahan aning suspek, gihulga ni suspek ning biktima nga kung dili makigkita iyahang i-post ilang mga pictures ug videos," matud ni Police Lt. Colonel Artemio Ricabo, Regional chief sa RACU-7.

Gibutyag ni Ricabo aduna nay sex video sa duha nga gipakatap sa social media ang suspek sugod pa niadtong Septiyembre niining tuiga. Duha ka bulan pagkahuman sila nagbulag niadtong Hunyo.

Ang suspetsado pasakaan og kasong kalapasan sa Article 286 o Grave Coercion of Revised Penal Code ug RA 9262 sa Anti- Violence Against Women and Children Act of 2004  ug sa Section  6 sa RA 10175  (Cybercrime Prevention Act 2012).

Giawhag ni Ricabo ang publiko nga mo-report sa mga ingon niini nga krimen aron makahimo ang mga otoridad og aksyon batok niini.

"So ako lang awhag sa makakita ani nga balita, ug katong mga ginikanan nga naay mga anak na may susama nga ingon-ani…nga nabiktima sa ing-ani nga stiwasyon, akong awhag nga bisan tuod mga hamtong na atong mga anak ato ra gihapong monitoron ug kinsay kuyog ug asa sila moadto," suma pa niya. Gipahinumdoman pa ni Ricabo ang mga magtiayon nga likayan ang pagkuha og mga video aron way susama nga mga insidente.

Matid pa ni Ricabo, ang kini nga mga kaso sagad nga mahitabo labi na sa panahon sa pandemiya. Matud niya upat n aka susamang kaso ang naabot sa ilang buhatan karong tuiga. —IBM (BANATNEWS)

ARRESTED
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with