COVID-19 update: Way nagpakitaâg sintomas
Human ang usa ka semana nga napuno og pagsaway diha sa social media ang lungsod sa Madridejos tungod sa pagtapok sa mga nana-aw sa Suroy-Suroy Sugbo sa Kota Park nga diin usa sa mga pinasidunggang dinapit mao si Presidential Spokesman Harry Roque, gipahibalo ni Mayor Salvador Dela Fuente nga wala nay aktibong kaso ang ilang lungsod.
File photo

COVID-19 update: Way nagpakita’g sintomas

Le Phyllis F. Antojado (Banat) - December 5, 2020 - 12:00am

CEBU, Philippines — Human ang usa ka semana nga napuno og pagsaway diha sa social media ang lungsod sa Madridejos tungod sa pagtapok sa mga nana-aw sa Suroy-Suroy Sugbo sa Kota Park , gipahibalo kagahapong adlawa, Disyembre 4, 2020 sa lungsod nga wala nay aktibong kaso sa Covid-19 ang ilang lungsod. Si Madridejos Mayor Salvador Dela Fuente nagkanayon nga walay na report nga nagka sintomas sa Covid-19 gikan sa mga tawong nisaksi sa maong kalihokan.

"So far wala may nagka symptoms sa mga niadto didto. Inspite nga medyo nakuan mi atong kalihokan, I really understand sa gibati sa mga tawo," dugang sa mayor. Ang lungsod sa Madridejos nakatala  og 104 nga kinatibuk-ang kaso sa Covid-19 sukad nga nagsugod ang pandemiya.

Central Visayas

Samtang sa tibuok Central Visayas 35 ang nadugang sa mga bag-ong kaso base sa Disyembre 3, 2020 nga bulletin sa Department of Health.

Ang 10 sa mga bag-ong kaso gikan sa siyudad sa Sugbo,tulo sa Lapu-Lapu, duha sa Bohol ug pito sa Probinsya sa Sugbo.

Naa sa 223 ang active cases Cebu City sa 10,673 total cases niini sukad nagsugod ang pandemiya. Apan ang 9,764 nangaayo ug nadugangan pa og usa nianang adlawa samtang  685 na ang namatay.

Sa laing bahin, usa ka barangay nalang sa Dakbayan sa Talisay ang adunay kaso sa Covid-19 base sa surveillance nga gihimo sa siyudad niadtong Disyembre 2 ning tuiga.

Ang siyudad nakatala  og 1,012 nga kinatibuk-ang kaso apan 911 ang nangaayo na samtang 100 gihapon ang namatay.

Sa 22 ka barangay sa siyudad ang Cansojong nalang ang dunay kaso. Bisan pa niini, padayon nga nanawagan ang kadagkoan sa dakbayan pinangulohan ni Mayor Gerald Anthony “Samsam” Gullas nga tumanon ang safety ug health protocols.

Ang active cases sa Central Visayas anaa sa 925 human nga 52 ang nadugang sa mga nangaayo ug nisaka ngadto sa 21, 923 ang total recoveries.

Ang cumulative total sa Covid-19 sa Central Visayas anaa sa 24, 240 diin 1, 392 ang natala nga namatay.

BFP Cebu City

Sa pikas bahin, ang tigpamaba sa Cebu City Fire Office Senior Fire Officer 2 Wendel Villanueva mibutyag nga Covid -free na ang ilang buhatan ug wala na sila’y mga personnel nga nataptan sa maong virus.

Kahinumduman nga moabot sa 20 ka mga bombero sa siyudad ang nataptan sa maong sakit samtang naghimo sa ilang trabaho.

Apan bisan og COVID-free na sila estrikto silang motuman sa minimum health protocols pinaagi sa pag-andam og alcohol, pagsul-ob og facemask ug uban pa samtang nagtrabaho ug kun moresponde og sunog.

Nalipay sab sila nga ilang mga kliyente nga mo-apply og fire safety inspection certificate ug kadtong dunay laing mga tuyo mituman gyud sa health protocols.

Subli niyang giawhag ang katawhan nga “you stay away from, we stay away from you,” kun dunay sunog sanglit silay dunay kahibalo sa pagpawong niini tungod kay daghang mga tawo ang mangilog sa ilang fire hoses kay gustong unahon pagpawong ang kalayo sa ilang balay. —Decemay P. Padilla, Gabriel Bonjoc/IBM (BANATNEWS)

COVID19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with