Aktibong polis gibanhigan patay

Rowena Capistrano (Banat) - December 4, 2020 - 12:00am

CEBU, Philippines — Patay ang 44-anyos nga aktibong polis human kini gipusil samtang nagmaneho sa iyang motor gikan nag-duty pag-abot diha sa Purok Mangga, Barangay Dumlog, Toledo City kagahapon sa buntag.

Ang biktima naila nga si Police Staff Sergeant Gerfil Geolina, residente sa Barangay Das sa maong siyudad. Walay nakamay-ong sa mga mamumuno nga giingong sakay sa motorsiklo. Matud pa ni Police Lt. Col. Junnel Caadlawon, Hepe sa Toledo City Police Station gikan pa nag-duty si Geolina ug padung na kini mopauli .

Pagabot sa maong dapit, kalit kining gitaparan og riding in tandem ug gipaulanan og bala.

Human pagpamusil dali nga mipasirit palayo ang mga mamumuno padulong sa barangay Sangi sa maong dakbayan.

Sumala pa ni Caadlawon dunay mga residente nga nakadungog sa butobuto sa armas diha sa highway.  Pagadto sa mga tawo, nakita nila si Geolina nga nagbuy-od na sa karsada tupad sa motor niini nga dunay plate number 0701-947643.

Gisusi sa mga sakop sa CDRRMO sa siyudad ang biktima apan wala na kini kinabuhi. Padayon pa ang kapolisan karon paghimo og imbestigasyon may kalabutan sa kamatayon sa biktima.

Sa laing pagpamusil, patay ang usa ka Rene Boy Cañete,  taga Barangay Manguiao sa Lungsod sa Asturias human kini gipusil sa riding in tandem samtang ang biktima nagsakay sa iyang motorsiklo diha sa dalan C. P. Garcia sa Barangay Poblacion sa Dakbayan sa Danao Miyerkules sa gabii.

Si  Police Major  Maria Theresa Macatangay, hepe  sa Danao City Police Station gitaparan sa laing motorsiklo ang biktima ug ang nag-angkas maoy nipusil niini hinungdan sa pagkalamba sa biktima diha sa karsada. Dali sab nga nakaikyas palayho ang mga mamumuno. Gidala pa ngadto  sa Danao Provincial  Hospital ang biktima apan gideklarar kini nga patay na.

Wa pay matumbok nga motibo ag kapolisan sa maong pagpamusil samtang padayon ang ilang gihimong imbestigasyon apil na ang background sa biktima. —Romeo T. Limpangog/IBM (BANATNEWS)

DEAD
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with