Labella dili mouyon nga dad-on sa malls ang kabataan

Sanden J. Anadia (Banat) - December 4, 2020 - 12:00am

CEBU, Philippines — Dili mosugot si Mayor Edgar Labella  nga pasudlon sa mga malls ang nag-edad og 15 anyos paubos bisan paman sa rekomendasyon sa Department of the Interior and Local Government (DILG) nga mahimo na nga pasudlon ang mga minor basta ubanan kini sa ilang mga ginikanan.

Apan bisan sa sugyot sa DILG, gitugyan nila sa mga local government units (LGUs) ang desisyon kun ilaha kining tugotan ug mahimo nila kining palig-unon pinaagi sa pagama og ordinansa.

Si Labella sa iyang bahin miingon nga risgo pa gyud kaayo karong panahona ug dili maayong magsuroy-suroy ang mga bata kay naa pa ang Covid-19 ug posibleng magdugok ang mga tawo ug di na nuon masunod ang social distancing.

Si Health Secretary Francisco Duque III miingon nga dili siya uyon niini sanglit dili exempted nga matakdan ang kabataan sa coronavirus gikan sa gawas ug madala nila kini sa panimalay ug posibleng makapanakod sila didto.

Ang Philippine National Police (PNP) sa miaging adlaw miingon nga magpadayon ang pag-ban sa mga menor de edad hangtud nga walay giluwatang ordinansa ang mga LGUs nga nagtugot niini.

Sa pikas bahin, giawhag sa tigpamaba sa DOH- Central Visayas Dr. Mary Jean Loreche ang publiko nga likayan una ang “pag-beso-beso” aron makalikay sa Covid-19 karong kapaskohan. Kun mahimo, dili lang gyud magtapoktapok sa pagsaulog sa Pasko ug anha lang gyud sa balay ang mga kabataan ug mga senior citizens.

Kinahanglan sab nga sundon ang health and safety protocols ilabi na kung motambong sa mga misa de gallo nga magsugod karon umaabot nga disyembre 16, 2020.

Anaron ang kaugalingon nga manghugas o mag-disinfect gikan sa mga lakaw sa gawas sa balay aron makasiguro. —Rowena Capistrano/IBM (BANATNEWS)

COVID-19
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with