COVID-19 update: Ayaw kumpiyansa ilabi na sa taas nga bakasyon
Ayaw kumpiyansa…Tungod sa taas-taas nga bakasyon sugod karong adlawa hangtud sa adlaw nga Domingo, ang Emergency Operations Center (EOC) sa Dakbayan sa Mandaue mipasidaan nga dili magkumpiyansa sa ilang mga lihok bisan pa sa pagkunhod na sa ilang mga kaso matag adlaw.

COVID-19 update: Ayaw kumpiyansa ilabi na sa taas nga bakasyon

Romeo T. Limpangog (Banat) - December 4, 2020 - 12:00am

CEBU, Philippines — Tungod sa taas-taas nga bakasyon sugod karong adlawa hangtud sa adlaw nga Domingo, ang Emergency Operations Center (EOC)  sa Dakbayan  sa Mandaue mipasidaan nga dili magkumpiyansa sa ilang mga lihok bisan pa sa pagkunhod na sa ilang mga kaso matag adlaw.

Si Atty. Lizer Malate, pangulo sa EOC sa maong dakbayan miingon nga ang pagkunhod sa mga kaso tungod kini sa pagpakunhod sa gidaghanon sa swab testing nga ilang gihimo kada adlaw, kaniadto 100 ngadto sa 200 ka swab test karon nimenus na.

"It is not something to be complacent, nakadawat mi og report nga ang mga tawo nikumpiyansa sa zero results," matud pa ni Malate.

Ang Mandaue City dunay 69 active cases sa COVID-19 ug 2,663 ang total cases sa siyudad. Niabot na sab sa 2,424 ang recoveries human nadugangan og lima samtang usa ang nadugang sa nakalas ug naabot na kini karon  og 170.

Sa laing bahin, 215 nalang ang aktibong kaso sa coronavirus ang Cebu City human dunay nadugang nga walo ka bag-ong kaso base sa datos nga gipagawas sa Department of Health Central Visayas niadtong adlaw’ng Miyerkules.

Ang siyudad duna karoy 10,663 total cases apan 20 sab ang nadugang sa mga nangaayo mao nga duna na kini karoy 9,763 recoveries ug nagpabiling 685 ang namatay.

Samtang ang Lapu-Lapu City dunay 138 active cases sa COVID-19 gikan sa 2,624 nga ang kinatibuk-ang kasong natala human dunay usa nga nadugang nga bag-ong kaso. Naa sab sa 2,377 ang recoveries sa dakbayan ug naa sa 109 ang nakalas.

Samtang usa nalang ang aktibong kaso sa Covid-19 sa Dakbayan sa Talisay base kini sa nigawas nga datos niadtong Desyembre 1 ning tuiga human walay natala nga bag-ong kaso anang adlawa samtang dunay usa nga naayo.

Sa kinatibuk-an miabot sa 1,012 ang kaso sa virus sa siyudad samtang 911 ang nakarekober.  Adunay 100 ang natala nga namatay gumikan sa virus. Sa datos sa DOH-7 ang Central Visayas dunay 24,205 total cases sa COVID-19 diin 944 ang active cases; 21,871 ang recoveries ug 1,390 ang deaths.

Nianang adlawa, ang DOH-CV nakalatala lamang og 19  ka dugang bag-ong kaso samtang 154 ang nadugang sa mga bag-ong nangaayo.

Ang Probinsya sa Sugbo nadugangan og lima ug lima usab sa Negros Oriental. —Decemay P. Padilla, Gabriel Bonjoc, Le Phyllis Antojado/IBM (BANATNEWS)

COVID-19
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with