Kaso sa COVID-19 padayong nikunhod

Le Phyllis F. Antojado (Banat) - December 3, 2020 - 12:00am

CEBU, Philippines — Nikabat ngadto sa 36 ka bag-ong kaso sa COVID-19 ang natala sa Central Visayas base sa Disyembre 1, 2020 nga datos sa Department of Health.

Sa mga bag-ong kaso, usa ra ang natala sa Cebu City, 22 sa Bohol, duha sa Probinsiya sa Sugbo ug 11 sa Negros Oriental. Samtang ang recoveries nadugangan kini og 123 diin 66 niini gikan sa Cebu City, 18 sa Mandaue City ug 39 sa Probinsiya sa Sugbo

Ang Central Visayas adunay kinatibuk-ang 1,079 ka active case karon ug 21,718 ang kinatibuk-ang recoveries.

Ang cumulative total sa COVID-19 sa region-7 anaa sa 24,186 diin 1,389 ang natala nga namatay.

Subay niini, si Konsehal Joel Garganera, deputy chief implementer sa Inter-Agency Task Force Emergency Operations Center Cebu City nagkanayon nga sa nilabayng upat ka adlaw naa lang sa single digits ang natala nga bag-ong mga kaso sa COVID-19 sa Cebu City.

Matud ni Garganera nga gi-harmonized nila ilang datos diin ang siyudad nakatala og 66 ka additional reported recoveries hinungdan nga ang active case sa Cebu City naa nalang sa 227.

Si Garganera niawhag sa katawhan nga bisan sa maong kalamboan dili gihapon angayang mokompiyansa ug padayong mosunod sa basic health protocols.

Niining buwan sa Disyembre sa pagsaulog sa pasko posibleng adunay magpahigayon og party diin niawhag usab si Garganer nga likayan lang una sa pagkakaron ang tapok-tapok.

Ang Cebu City adunay 10,655 nga kinatibuk-ang kaso sa COVID-19 diin 227 niini active case. Nikabat ngadto sa 9,743 ang kinatibuk-ang recoveries lakip na niini ang 66 nga ulahing natala ug 685 ang kinatibuk-ang namatay.

Ang Mandaue City adunay 2,663 ka kinatibuk-ang kaso diin 74 ang active cases, 2,420 ang kinatibuk-ang recoveries lakip niini ang 18 nga ulahing nadugang ug 169 ang kinatibuk-ang namatay.

Samtang ang Lapu-Lapu City adunay 2,623 total ka kinatibuk-ang kaso diin 127 niini ang active cases nikabat ngadto sa 2,377 ang kinatibuk-ang recoveries ug 109 ang kinatibuk-ang namatay. —Decemay P. Padilla,  Gabriel C. Bonjoc/BDB (BANATNEWS)

COVID-19
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with