Consolacion mopatuman karon og bag-ong traffic rules

Sanden J. Anadia (Banat) - December 1, 2020 - 12:00am

CEBU, Philippines — Sugod karong adlawa ang tanang klase sa mga sakyanan gidid-an na sa pag-parking diha sa Consolacion Public Market aron masiguro nga matuman ang health protocols.

Kini ang gibutyag ni Mayor Joannes Alegado diha sa facebook page sa Lungsod sa Consolacion.

Nasayran nga mohugop ang mga tawo diha sa kamerkadohan panahon sa holiday season ilabi na nga magsingabot ang pasko.  Ang mga sakyanan mahimo ra kining mo-parking duol sa establisamento sa luyong bahin sa merkado.

Ang mga pribadong sakyanan nga moagi sa main entrance kutob lang kini sa pag-drop off samtang ang mga delivery vehicles mahimong mosulod sa merkado apan igo lang kining maghatod og stocks.

Sa laing bahin, aron masulbad ang problema sa trapiko sa lungsod mopatuman og “no left turn and no crossing” policy ang lokal nga kagamhanan sa pipila ka dalan karong adlawa.

Si Alegado nipahibalo usab sa iyang facebook account kalabot sa pipila ka kausaban sa daghan sa trapiko sa lungsod.

Matud ni Alegado nga sa SM-Laray nga Intersection ipatuman ang “no left turn /right turn only” sa upat ka intersecting roads ug dili usab mamahimo nga mag-crossing sa dalan gikan sa Francis Burton Harrison Avenue diha sa Laray padulong sa Mountain highway ug vice versa.

Sa Lamac intersection ipatuman usab ang “no left turn” gikan Cebu City padulong sa Lamac ug gikan sa Lungsod sa Liloan padulong sa corner Maglasang Road.

Si Alegado nipahibalo usab sa mga termporaryong U-turn slots diha sa Ultramart/ Shell area, market terminal entrance area, Mendero Medical Center area ug Rose Pharmacy Pitogo area.

Si Alegado nakigtagbo usab kang Gobernador Gwendolyn Garcia, Liloan Mayor Chirstina Frasco ug direktor sa Department of Public Works and Highways (DPWH) -7 director Edgar Tabacon diin nasabotan ang “no left turn” ug “no crossing” policy sa national highways sa mga lungsod.

Ang mga sakyanan moderetso kini og U-turn sa mga designated area 200 metros gikan sa intersections.

Sa report sa Sugbo News nasabotan usab nga ang mga pedestrian hatagan og 30 segundos aron makatabok sa dalan.

Kini ipatuman pinaagi sa pag-instolar og digital timers o Traffic Signal Countdown Timers. –Le Phyllis F. Antojado/BDB (BANATNEWS)

TRAFFIC
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with