^

Mga pasahero paingon sa Olango aduna nay kapahilunaan

Romeo T. Limpangog (Banat) - November 30, 2020 - 12:00am

CEBU, Philippines — Gihangop sa mga pasahero ang gitukod nga multi-purpose building diha sa Angasil Port Terminal sa Sitio Angasil sa Barangay Mactan, Dakbayan sa Lapu-Lapu.

Si Kongresista Paz Radaza uban sa mga opisyal sa barangay ang nangulo sa pag-inugura sa maong proyekto.                             

Ang mga pasahero anha mopahiluna sa multi-purpose building samtang magpaabot og pumpboat nga ilang masakyan paingon ngadto sa Isla sa Olango.

Nasayran nga ang pantalan sa Angasil maoy labing busy nga public maritime facility sa nahisgutang dakbayan tungod sa kadaghan sa mga pasahero ug mga turista nga moagi niini. 

Gawas sa daghang pasahero ug mga turista mao usab kini ang agianan sa mga kargamento sa mga mobiyahe  gikan sa mainland paingon ngadto sa mga isla lakip niini ang Isla sa Olango.                              

Si Radaza kinsa kanhi mayor sa siyudad  ug kanhi kongresista Aileen Radza ug ABC president Eduardo Cuizon ang nitambong sa pagsubo sa maong proyekto                                        

Si Aileen kinsa maoy nagsugod sa kaugmaran sa maong proyekto nibutyag nga nikabat sa P20 milyones ang kantidad niini.

Ang nahisgutang proyekto gipadayon ni Radaza dihang nahuman na ang termino sa iyang anak nga si Aileen isip kongresista.

“This building can also be used as an evacuation center during disasters.   I had a very good relationship with the city government during my time”, matud ni Aileen. –BDB (BANATNEWS)

OLANGO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with