Mga magtutudlo nagbansay aron makatudlo pinaagi sa radyo

Sanden J. Anadia (Banat) - November 30, 2020 - 12:00am

CEBU, Philippines — Misikad na sa miaging adlaw ang Radio Broadcasting Training alang sa  public school teachers  nga gipasiugdahan sa Cebu City Local School Board, ug sa  Curriculum Implementation Division sa Department of Education (DepEd)-7.

Tipik kini sa awhag ni Mayor Edgar Labella nga  makig-alayon og usa ka radio station isip pag-abag sa  mga  tinun-an nga naka-module ang mga magtutudlo aron mas layo ug lapad ug luwas nga paaging ang maabot sa mga tinun-an ang leksyon.

Suma pa sa mayor, gidalitan ang maong mga magtutudlo  og lecture  kalabot sa  broadcasting guidelines ug ethics sa Kapisanan ng mga Brodkaster ng Pilipinas (KBP).

Gidala usab ang mga magtutudlo  sa usa ka local radio station aron masuhito sila sa area samtang magtudlo sa nagkalainlaing school subjects  sa kahanginan.  Mahitabo sulod karong semanaha ang pilot testing niini isip pagpangandam sa second quarter sa klase karong umaabot nga Enero 2021.  “Ang atong public education system naapektuhan gyud sa new normal ilabi na kay dili tanang estudyante adunay access sa gadgets ug sa stable nga internet connection. Nakita sab sa atong Local School Board nga practical, sustainable, ug epektibo ang akong sugyot kabahin sa educational radio,” sumala pa sa mayor. Una na nga gibutyag sa mayor nga nagmagul-anon ang pipila ka mga ginikanan gumikan kay dunay mga higayon nga naglisod ang ilang mga anak sa pagsabot sa unod sa ilang mga modules busa napanglantawan niya nga makaabag gyud niini ang mga leksyon nga ipaagi sa kahanginan.

“I am very grateful for the collective effort to push for this city-wide educational approach so that our students can be supported in their modular learning. I am hopeful that this can ease some of the difficulties they experience,” dugang pa sa mayor. —IBM (BANATNEWS)

RADIO
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with