Clearing operation sugdan na sa Brgy Tabunok
CEBU, Philippines — Gikatakdang sugdan na sunod semana sa mga opisyales sa Barangay Tabunok, Dakbayan sa Talisay ang ilang paghawan sa mga estraktura nga nakababag sa sidewalk human sa duha ka semana nga lugway.
Gipahibawo ni Kapitan Benjie Cabigas sa Barangay Tabunok nga nahuman na sila sa pagpahibawo sa katawhan nga maapektahan ug sila nanghinaut nga hinay-hinayon na nila og kuha ang ilang mga butang nga nakababag sa agianan.
Una niini, ang Department of Interior and Local Government (DILG) nimando sa mga local government units nga ibalik na ang paghawan sa sidewalk gumikan kay namalik usab ang mga tawo sa pag-okopar niini.
Dugang pa niya nga mapugos gyud sila sa pagkumpiskar sa mga butang o materyales nga pabilin nga wala hiposa sugod sa adlaw nga Martes. –MEL (BANATNEWS)
- Latest