COVID-19 update

Sweldo sa contact traces ipahatag sunod buwan

Cebu, Philippines — Mga contact tracers sa Cebu City wala pa masweldohi, Mayor Edgardo Labella mimando sa Cebu City Health Department nga maoy nag-hire kanila nga ipadali ang pagproseso sa ilang mga dokumento aron masweldohan.

Kahinumduman nga nag-hire og contact tracers ang siyudad aron paspas ang contact tracing niadtong mga tawong na-exposed sa Corona Virus Disease (COVID)-2019.

Apan dunay mga report nga giingong duna pay mga contact tracers ang siyudad nga wala pa sukad makadawat og sweldo sukad nga sila gi-hire sa siyudad.

Pagkasayod ni Labella nga duna pay mga contact tracers nga wala makadawat sa ilahang sweldo iyang gimandoan si Dr. Jeffrey Ibones, pangulo sa Cebu City Health Department nga hikayon ang sweldo sa mga contact tracers.

Buot sa mayor nga sa unang semana sa buwan sa Disyembre madawat na sa mga contact tracers ang ilang sweldo ilabi na nga nagsingabot na ang Pasko.

Ang Cebu City duna karoy sa 318 ang active cases human dunay 18 ka bag-ong kaso nga nadugang niadtong adlaw nga Huwebes base sa datos nga gipagawas sa Department of Health Central Visayas . Ang Cebu City duna na karoy 10,625 total cases sa COVID-19  apan nangaayo na ang 9,622 niini dugang ang 14 ka bag-ong nangaayo. Samtang 685 ang nakalas.

Sa datos sa DOH-7 ang Central Visayas dunay 23,948 total cases sa COVID-19 diin 1,126 ang active cases, 21,437 ang recoveries ug 1,385 ang deaths. — Le Phyllis Antojado/IBM (BANAT NEWS)