Roque: Kung mag Misa de Gallo curfew kinahanglang usbon
Cebu, Philippines — Kinahanglang usbon ang oras sa curfew nga gipatuman sa gobiyerno ug mga lokal nga kagamhanan kung tugotan ang pagpahigayon sa simbahang Romano Katoliko sa tradisyonal nga Misa de Gallo. Mao kini ang panglantaw ni Presidential spokesperson Harry Roque kinsa nianhi sa Sugbo alang sa opisyal nga kalihokang gihimo sa Lalawigan sa Sugbo.
"I think it will be up to the local government units, pero ang Simbang Gabi, to accommodate it, magiging 12 (tungang gabii) - 3 (sa kaadlawon ) ang magiging curfew sa Manila, and the local government units will decide sa iba't ibang lugar," matud ni Roque.
Samtang wa pay desisyon ang IATF kung hasta ang panaygon sa dalan idili apan alang ka Roque kuyaw kini sa pagkatap sa virus.
"Delikado ang caroling… pero sa akin, high risk po ‘yung pagkakanta ng malakas kasi nga saliva na lumalabas," matud ni Roque.
Si Cebu City Mayor Edgardo Labella mag-agad lang sa IATF bahin sa Misa De Gallo. Si Labella miingon nga kinahanglan kining tun-an og maayo ilabi na nga dunay curfew nga gipatuman.
“Mao nay usa ka problema because Misa de Gallo is usually during the curfew hours also imposed by the IATF, imposed by the National Government and there is also curfew ordinance imposed by the City Government of Cebu so mao na usa ni ka rason nganong it should reconcile on one hand the misa de gallo. Ang uban kaadlawon, alas 4 unya duna may curfew anang orasa so it has to be reconciled the misa de gallo schedule, the curfew ordinance of the City and also the IATF pronouncement,” ni Labella pa.
Sama kang Labella, si Talisay City Mayor Gerald Anthony “Samsam” Gullas Jr. mag-agad gihapon sa IATF.
Hinuon si Gullas makigtagbo sa kadagkuan sa simbahan lakip na ang IATF sunod semana aron kini tukion.
Si Gullas nagkanayon nga dili siya kapugong sa mga tawo pagselebrar niini apan iyang hangyo diha lang taman sa ilang panimay ug dili na moabot pa sa gawas.— Decemay Padilla, Sanden Anadia ug Gabriel Bonjoc/EIM (BANAT NEWS)
- Latest
