^
COVID-19 update: 314 aktibong kaso sa Cebu City
Ang Cebu City dunay 10,607 total cases human nga nakatala og pito ka bag-ong kaso sa virus anang adlawa. Apan 9,608 na ang nangaayo ug 685 ang deaths.
The STAR/Edd Gumban

COVID-19 update: 314 aktibong kaso sa Cebu City

Decemay Padilla (Banat) - November 27, 2020 - 12:00am

CEBU, Philippines — Ang Cebu City aduna karoy 314 ang active cases sa Corona Virus Disease (COVID)-2019 base sa datos nga gipagawas sa Department of Health Central Visayas niadtong adlaw’ng Miyerkules.

Ang Cebu City dunay 10,607 total cases human nga nakatala og pito ka bag-ong kaso sa virus anang adlawa. Apan 9,608 na ang nangaayo ug 685 ang deaths.

Samtang ang Mandaue City dunay 95 active cases  gikan sa 2,655 ang total cases sa siyudad human nakatala og tulo ka bag-ong kaso sa virus. Apan 2,392 na ang nangaayo apan nisaka ang gidaghanon sa nakalas ug niabot na og 168 human dunay duha nga nadugang.

 

Samtang ang Lapu-Lapu City dunay 150 active cases gikan sa kinatibuk-an nilang 2,610 kaso. Pito ang nadugang nga bag-ong kaso  apan 2,351 ang recoveries sa dakbayan ug naa sa 109 ang nakalas.

Sa datos sa DOH-7 ang Central Visayas dunay 23,856 total cases sa COVID-19 diin 1,145 ang active cases; 21,327 ang recoveries ug 1,384 ang deaths.

Nianang adlawa, 69 ka bag-ong kaso ang natala sa rehiyon. Ang uban gikan sa Bohol 16, 28 sa Probinsya sa Sugbo, ug walo sa Negros Oriental.

Sa kinatibuk-an 138 ang bag-ong nangaayo mao nga natala sa Central Visayas anang adlawa.

Sa laing bahin, naka- recover na sa corona virus ang dili mominos sa 20 ka mga molupyo sa Lungsod sa Santa Fe nga nagpositibo sa maong sakit nga dili makita.

Ang mayor sa Lungsod Ithamar Espinosa nibutyag nga Covid-free na sila human tanan pasyente ang nakahuman na sa ilang isolation ug quarantine ug nakabalik na sa komunidad. Dugang pa sa mayor, sukad sa pagsugod sa pandemic, ang lungsod naka- record lang og 20 ka kompirmadong kaso sa infection.

Mapasalamaton si Espinosa, sa panaghiusa ug disiplina sa katawhan sa ilang gubat batok sa Covid-19.

Giawhag ug gipahinumduman sa mayor ang katawhan nga kanunay lang gayud motamod sa tanan mga health protocol ug minimum health standard sama sa social distancing ug uban pa aron wa nay matakdan pa sa ilang dapit. —Le Phyllis F. Antojado,  Rowena D. Capistrano/IBM (BANAT NEWS)

COVID-19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with