LCCPO nangandam sa seguridad sa Misa De Gallo

CEBU, Philippines — Nipasalig ang direktor sa Lapu-lapu City Police Office (LLCPO) Police Colonel Arnel Banzon nga andam ang kapolisan sa siyudad mo implementar sa gikinahanglan nga security measures kong ipadayon ang Misa de Gallo.

Matud ni Banzon nga nagplano siya pagdugang og pwersa gikan sa Police Regional Office (PRO)- 7nga ipakatap diha sa nagkalain-laing simbahan sa siyudad aron sa pagsiguro nga masunod ang health protocols.

Ang Dakbayan sa Lapu-lapu adunay lima ka simbahan sa mainland ug usa sa Olango Island.

Si Banzon niawhag sa katawhan nga mosunod sa mga ipatuman nga health protocols ug kong puno na ang mga simbahan anha nalang unya mo simba sa mga live streaming sa social networking site sama sa facebook. —BDB (BANAT NEWS)