Mga tripulante sa barko gibantayan aron dili makasuroy-suroy
Si Glicerio Bacaltos, sakop sa FISECA nagkanayon nga usa sa tahas kanila mao ang pagsiguro nga walay bisan kinsa nga naa sa barko ang makanaog ug magsuroy-suroy sa siyudad.
PCG/Released

Mga tripulante sa barko gibantayan aron dili makasuroy-suroy

Rowena D. Capistrano (Banat) - November 25, 2020 - 12:00am

CEBU, Philippines— Gibantayan sa mga sakop sa Fishermen Sea and Ecological Care (FISECA) ang mga tripulante sa barko nga nag-angkorahe diha sa kadagatan sa Dakbayan sa Talisay.

Si Glicerio Bacaltos, sakop sa FISECA nagkanayon nga usa sa tahas kanila mao ang pagsiguro nga walay bisan kinsa nga naa sa barko ang makanaog ug magsuroy-suroy sa siyudad.

Kaniadto nga wala pa motumaw ang pagdemiya yano lang nga makanaog gikan sa barko ang mga crew aron sa pagpamalit sa ilang gikinahanglan.

Tumong sa pagbantay sa mga crew nga dili makasuroy-suroy sa siyudad aron malikayan ang pagkuyanap sa COVID-19.

Matud ni Bacaltos nga dili lang crew sa mga barko nga nag-angkorahe ang ilang gibantayan lakip usab ang ubang mga tawo nga magbiyahe diha sa kadagatan.

Sayo pa, ang mga sakop sa FISECA nihangyo nga unta mahatagan og pagtagad ug mapaayo ang ilang gubaon nga bunkhouse.

Nanghinaot usab sila nga madugangan ang pumpboat nga magamit sa ilang operasyon paggukod sa magpabadlongon diha sa kadagatan.

Sa laing bahin, dili morekomendar ang Department of Health (DOH)-7 sa Cebu City sa pag-implementar og istriktong boarder control isip pamaagi sa pagpugong sa pagkuyanap sa kaso sa COVID-19.

Matud ni Dr. Mary Jean Loreche, tigpamaba sa DOH-7 nga ang ilang awhag sa siyduad mao ang pagpatuman sa tukma ug istrikto nga minimum health standards taliwala sa pagsaka sa kaso sa COVID-19 sa nilabay’ng pipila ka adlaw.

Dugang ni Loreche nga kasagaran sa mga bag-ong kaso sa COVID-19 gikan sa mga tapok-tapok sama sa parties.

Giawhag usab ni Loreche ang katawhan nga motabang sa lokal nga kagamhanan sa pakigbatok sa COVID-19 pinaagi sa pagsunod sa gipatuman nga mga health protocol aron malikayan ang pagsaka sa kaso COVID-19. (BANAT NEWS)

COVID-19
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with