Osmeña: Proposal sa night market magpadayon
CEBU, Philippines — Si Konsehal Renato Osmeña Jr. sa Dakbayan sa Sugbo nagkanayon nga ang proposal sa night market magpadayon kini bisan og si Mayor Edgardo Labella wala motugot niini.
Sayo pa, si Labella nipadayag nga pagprotekta sa panglawas sa katawhan sa siyudad ang iyang tumong sa wala pagtugot sa night market.
Si Osmeña kinsa maoy pangulo sa committee on market nagkanayon nga ang wala pag-aproba ni Labella abiso kini aron magmatngon ug dili ma-excite ang katawhan.
Gibutyag ni Osmeña nga ilaha pa unyang ipresentar ang proposal ngadto kang Labella.
Matud ni Osmeña nga ang ilahang plano mao nga ipahigayon ang night market sa tunga-tungang bahin sa sunod tuig.
Sa laing bahin, nibisita diha sa Pardo Public Market si Osmeña ug nakighimamat sa mga manindahay sa maong merkado. Si Osmeña nagkanayon nga buot niyang masuta ang kahimtang sa mga manindahay sa nahisgutang merkado alang sa tabang nga pwedeng mahatag o mapalambo pa ang serbisyo sa siyudad ngadto kanila.
Nasayran nga si Labella aduna kini proyekto nga “Bangon Merkado” ug matud usab ni Osmeña nga naa sila nga mopatuman sa proyekto sa mayor.
- Latest