Drugbust, Usa Patay

CEBU, Philippines — Patay ang usa ka provincial level high value individual sa listahan sa mga nalambigit sa illegal nga drugas human misukol sa kapolisan atol sa buybust operation diha sa Purok Kamongay, Sitio Guiwanon, Barangay Poblacion, Lungsod sa Compostela.

Ang Provincial Intelligence Unit( PIU CPPO) pinangulohan ni PLt. Col. Randy Korret milusad sa maong operasyon kagahapon sa hapon apan miresulta kini sa kamatayon sa suspek nga si George Paradiang.

Samtang nadakpan  ang iyang kapuyo nga si Dinah May Tagalog.

Matud pa ni Korret nga sa dihang gipahigayon ang operasyon, si Tagalog maoy nitunol sa gipalit nga illegal nga drugas. Giingong mainampingon kaayo si Paradiang sa pakig-transaksyon ug adtong tungora samtang nahitabo ang pagpalit sa drugas nagtago kini sa kisame ug kini armado.

Sa dihang natunolay na sa drugas ug buybust money daling gisikop si Tagalog  apan si Paradiang mipusil sa mga operatiba nga nanulod sa ilang balay. Tungod niini mibalos ang operatiba hinungdan nga nakaangkon og daghang samad pinusilan si Paradiang ug patay na pagabot sa tambalanan.

Si Tagalog miangkon nga nakahibaw siya sa illegal nga kalihokan ni Paradiang. Ang Scene of the Crime Operatives nakakuha gikan sa balay ni Paradiang og usa ka 45 nga pistol, mga bala ug mga basiyo sa bala niini.

Apil sa nakuha ang mga putos sa gidudahang shabu nga motimbang og 25 gramos nga mobalor og P170 mil.

Sa laing operasyon, nadakpan ang usa ka high value individual regional level  nga si William Usaraga Wong, 56, sa gipahigayong buybust operation sa mga sakop Station Drug Enforcement Unit sa Labangon Police Station sa Cebu City pinangulohan ni Police Captain Jonathan Dela Cerna  kagahapon sa hapon diha sa Pacaña St., Brgy. Punta Princesa.

Si Wong, nakuhaan og balor P1,054,000 nga gidudahang shabu