NBI-7 mosusi sa pagpatay sa abogado
Matud ni Police Colonel Josefino Ligan, hepe sa CCPO kinahanglan nila ang kooperasyon sa pamilya sa abogado.
STAR/ File

NBI-7 mosusi sa pagpatay sa abogado

Mary Ruth R. Malinao (Banat) - November 25, 2020 - 12:00am

CEBU, Philippines — Naghimo linaing imbestigasyon ang National Bureau of Investigation (NBI) 7 kalabot sa pagpatay sa abogado nga si Joey Luis Wee. Gikompirma kini ni NBI 7 Director Renan Augustus Oliva sa The Freeman –Banat News  nga maghimo sila og kaugalingong imbestigasyon bahin sa maong krimen. Samtang, nakahinabi na sa mga imbestigador sa Cebu City Police Office (CCPO) ang mga miyembro sa pamilya sa biktima ingon man sa mga empleyado sa iyang opisina aron makakuha og lead sa imbestigasyon.

Matud ni Police Colonel Josefino Ligan, hepe sa CCPO kinahanglan nila ang kooperasyon sa pamilya sa abogado.

“Kinahanglan nato ma-interview, ma-estorya iyang kabanay ug iyang asawa para adto ta mokuha sa mga recent nga dagkong kaso nga iyang gipanggunitan. Basin may kalabutan sa pagpusil patay sa biktima,” suma niya. Pero gibutyag ni Police lieutenant Colonel Wilbert Parilla, direktor sa operasyon sa CCPO nga ang nagduhaduha ang pamilya paghatag bisan unsang kasayuran. Matud pa niya, ilang tapukon ang mga yunit sa CCPO lakip na ang City Intelligence Unit (CIU) aron matabangan ang imbestigador sa Mabolo Police Station nga maoy nagdumala sa imbestigasyon.

Si Major Dindo Juanito Alaras, hepe sa Mabolo Police Station duha ka mga basiyo sa bala diin nahitabo ang krimen.

Sa laing bahin, gikondenar ni Cebu City Mayor Edgardo Labella ang pagpatay sa abogado.

“I condemn the senseless killing of a lawyer who is just performing his job, a well-known luminary. I have known him to be one of the lawyers with known probity. One of those in the legal profession that is really doing the job fairly and objectively,” matud ni Labella. Gimandoan sa mayor ang kapolisan nga buhaton ang tanan aron masulbad ang kaso ug dakpon ang mga mamumuno ug ang utok sa maong krimen. (BANAT NEWS)

NBI
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with