Force multiplier patay human nabangga

Gabriel C. Bonjoc (Banat) - November 24, 2020 - 12:00am

CEBU, Philippines — Patay ang usa ka force multiplier human nabangga kagahapon sa kadlawon sa nagparada nga e-bike diha sa Barangay Cansojong, Dakbayan sa Talisay.

Ang namatay mao si Michael Plotin?o, hingkod ang panuigon, taga Barangay Biasong sa nahisgutang siyudad.

Si Plotiño gikatahong usa sa mga sakop sa Federation of PNP Accredited NGO’s of the Philippines (FPAN).

Si Police Major Gerard Ace Pelare, hepe sa Talisay City Police Station nagkanayon  nga base sa ilang imbestigasyon gikan sa Barangay Tanke si Plotiño ug padulong na kining mopauli sa ilaha.

Apan pag-abot diha sa nahisgutang lugar nawagtang ang kontrol sa biktima sa iyang gimanehong motorsiklo hinungdan nga nilahos kini ug nabangga sa e-bike nga giparada diha sa daplin sa karsada.

Ug tungod sa impact nabunal si Plotiño diha sa karsada ug dali kining gitabang sa mga tawo diha sa lugar apan nakabsan kini sa kinabuhi.

Matud ni Pelare nga posibleng nakatulog si Plotiño samtang nagmaneho sa iyang motorsiklo hinungdan nga nadasmag kini. –BDB (BANATNEWS)

DEAD
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with