19 jeepneys palang ang pasado
Decemay Padilla (Banat) - November 21, 2020 - 12:00am

CEBU, Philippines — Nagsugod na kagahapong adlawa ang operasyon sa Balik Pasada Program One-Stop Traditional Public Utility Jeepney application hub nga kinahanglang agian sa mga gustong makabalik og pamasahero human sa dul-an napulo ka buwang pagka-estambay tungod sa pandemiya.

Apan sa 61 ka sakyanan nga giinspeksyon sa Land Transportation Office, 33 niini ang nahagbong samtang 28 ang nakapasar.  Sa pagkakaron, duna palang 19 ka jeepneys ang gihatagan sa Jeepney Task Force og Certification ug driver’s ID samtang ang City Traffic Office maoy mohatag og Travel Line ug special permits sab gikan sa LTFRB aron sila makabiyahe.

Ang Cebu City Government nakig-alayon sa LTOug Land Transportation Franchising ang Regulatory Board (LTFRB) alang sa pagbalik og biyahe sa jeepneys apan kinahanglan silang  makapasar sa inspeksyonon ayha pa hatagan og special permit.

Tan-awon ang roadworthiness niini ug ang safety sa mga pasahero pinaagi sa paginstalar og mga barriers isip kabahin sa health and safety protocols sa mga pasaheroan.

Matud ni Konsehal James Anthony Cuenco kinsa maoy Chairman sa Cebu City Jeepney Task Force kaduha sa usa ka semana ang pag-inspeksyon hangtod makompleto ang 1,300 ka mga jeepneys nga inisyal nga gitugutan nga makadagan pagbalik sa siyudad.

“Dako kaayo ni og tabang hopefully lagi nga with the rollout aning jeepneys it will not cause more traffic. Kay mao ni reklamo aning non-commuters especially those who owned private vehicles. But you know when you consider the PROs and CONs you have to consider the greater good,” ni Cuenco pa.

Kadtong 19 nga nakapasar, kinahanglan pang pangitaan og driver nga pasado sab sa swab test ug uban pang rekisitos.

Si Mayor Edgar Labella subling mipasidaan sa mga drayber ug operators nga motuman gyud sa health protocols kung dili sila ganahan masuspenso sa pagbiyahe.

Matud pa sa mayor nga dili gyud angayan mokompyansa ilabi na nga nagpabilin gihapon ang presensya sa COVID19.

Suma pa ni Labella nga duna pud siya ipakatap nga mga marshal  sa kadalanan aron mosita kun dunay magpabadlong nga mga drayber.

Gisugdan sa miaging adlaw, ang pag-swab test sa mga drayber ug gi-check usab ang ilang mga unit. Kinahanglan nga ipatuman ang physical distancing ug dili kalimtan ang pagsul-ob og face mask ug face shield. —Sanden J. Anadia/IBM (BANATNEWS)

JEEPNEYS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with