Ferro gideklarar nga Adopted Son of Cebu City
Decemay P. Padilla (Banat) - November 21, 2020 - 12:00am

CEBU, Philippines — Ang Cebu City Council mideklarar kang Police Brigadier General Albert Ignatius Ferro isip Adopted Son of Cebu City tungod sa serbisyo ug liderato niini pagsiguro sa health, safety, security ug peace and order sa siyudad.

Si Ferro mao ang kasamtangang Regional Director sa Police Regional Office (PRO)-7.  Usa ka resolusiyon nga gi-sponsor nila ni Konsehal Joel Garganera, Phillip Zafra ug Franklyn Ong ang giaprubahan sa konseho alang sa maong deklarasyon.

“The PNP (Philippine National Police) was vital in our Contact Tracing efforts at the EOC (Emergency Operations Center) in the City which is considered as the game changer in this pandemic, spearheaded by PNP COVID-19 survivors where in our teams were increased 105 teams.

They also assisted in the efficient and systematic approach in our contact tracing efforts together with our CHD (City Health Department) doctors which greatly contributed in the decrease in the number of cases in our City,” tipik sa resolusyon.

Gawas sa dakong natabang sa PRO-7 sa pagpatuman sa quarantine ug health protocols wala nila mabiyai ang kampanya batok kriminalidad.

Nagpahigayon sab ang PRO-7 ug CCPO og operasyon batok sa illegal gambling, loose firearms, wanted persons, illegal logging, illegal fishing, traffic-related cases, ug breach of community quarantine protocols. Si Ferro nitutok sab paghingusog sa community relations ug niumol og civilian informants aron batukan ang illegal drugs.

Gikan sa buwan sa Pebrero hantod sa Oktubre ning tuiga, ang PRO-7 nakatala og 31,706 Total Crime Incidents (TIC), diin mikunhod kini 36.5 percent kun itandi samang period sa Calendar Year 2020. Dili ikalimod nga dako og natampo pagpakgang sa mga krimen ang gipatumang quarantine sa mga tawo tungod nalimitahan na ang mga kalihokan bisan sa mga kriminal.

Si Ferro namahayag kagahapon nga dunay unom ka dagkong sindikato sa illegal nga drugas ang nag-operate dinhi sa Central Visayas, tulo niini ang ilaha nang nabungkag samtang masaligon siyang kaning nahibiling tulo ka grupo mapukan sa dili pa matapos ning tuiga.

"We're still investigating the sources. So hopefully, we could go to the bottom of the sources and uproot it, and probably we could stop the proliferation or we could minimize the proliferation of drugs in Cebu," matud niya.

Laing bahin, karong adlawa gipaabot nga moduaw si Philippine National Police Chief Debold Sinas aron magpasalamat ug duawon ang mga sakop.

Si Sinas nadestino dinhi sa Sugbo sugod Hulyo 2018 hangtud Oktubre 2019 sa wala pa kini mabalhin sa National Capital Regional Police Office sa wapa kini kini matudlong PNP Chief sa miaging semana.

Gipaabot nga makigkita si Sinas kang Cebu Archbishop Jose Palma kinsa giisip sa heneral nga spiritual leader sa rehiyon.

"I myself am close to the bishop because I think he is one of our weapons in a prayer group because they are always helping us spiritually and we have seen the results," si Ferro miingon. —The Freeman/IBM

CEBU CITY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with