Misa de Gallo ipadayon sa Carbon Market
Sanden J. Anadia (Banat) - November 21, 2020 - 12:00am

CEBU, Philippines — Gitinguha karon sa stall owners ug vendors sa Carbon Market nga ipadayon gyud ang naandan nga pagpahigayon og Misa de Gallo sulod sa merkado.

Suma pa sa hepe sa Cebu City Market Authority nga si Irvin Cabales nga niduso na siya og proposal sa buhatan ni Mayor Edgar Labella  aron mangayo og pagtugot sa maong butang ug nagpaabot nalang siya sa mahimong tubag niini.

Kun mapadayon kini karong tuiga, mao na kini ang ika-20 ka tuig nga pagpahigayon og Misa de Gallo sulod sa Carbon market.

Kahinumduman sa nangaging katuigan nahimo kini nga kabahin sa tinuig nila nga Pasko sa Carbon diin ang highlight sa kalihukan mao ang Misa de Gallo nga magsugod sa Disyembre 16 ug matapos sa petsa 24.

Dunay mga higayon kaniadto nga si Cebu Archbishop Jose Palma maoy nangulo sa Santos nga Misa.

Suma pa ni Cabales nga tipik sa giduso niya nga proposal  mao ang pagpatuman gyud sa  health protocols sama sa pagmintinar sa physical distancing ug ang pagsul-ob og facemask ug face shield.

Suma pa ni Cabales nga kinahanglan gyud nga magbinantayon kanunay sanglit nagpadayon gihapon ang hulga sa COVID19.

Nasayran nga sa kasamtangan nga sitwasyon, istrikto gyud ang Carbon diin ang duna ray quarantine pass ang makasulod ug tumong niini nga maseguro gyud ang pagkontrolar sa mga mangumprahay ug mamintinar ang physical distancing. /MEL (BANATNEWS)

MISA DE GALLO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with