COVID-19 update: 25 bag-ong kaso nadugang sa Cebu City
CEBU, Philippines — Misaka ang gidaghanon sa mga aktibong kaso sa Covid-19 sa dakbayan sa Sugbo human nadugangan kini og 25 ka mga bag-ong kaso base sa gipagawas nga bulletin sa Department of Health Central Visayas niadtong Miyerkules.
Ang siyudad aduna karoy 306 ka aktibong kaso gikan sa kinatibuk-ang 10,505 ka mga kaso sa talaan niini. Samtang 9,516 ang total recoveries ug 683 ang deaths.
Ang Mandaue City ug Lapu-Lapu City dunay 66 ug 95 ka active cases sa COVID-19 kada usa. Ang Mandaue City dunay 2,624 total number sa kaso sa COVID-19 human nakatala og unom ka mga bag-ong kaso.
Usa sab ang dugang naayo nga miabot na tanan og 2,394 recoveries ug naa sa 164 ang deaths.
Ang Lapu-Lapu City dunay 2,544 cases, usa ang natala nga dugang bag-ong kaso sa virus. Naa sa 2,341 ang recoveries ug 108 ang deaths.
Sa datos sa DOH-7 ang Central Visayas dunay 23,433 kaso sa COVID-19 diin 1,094 ang active cases ug 20,965 ang recoveries ug 1,374 ang deaths.
Miabot tanan og 71 ang bag-ong kaso nga nadugang sa Central Visayas nianang adlawa. Nakatala sab og usa ang Bohol, 19 sa Probinsya sa Sugbo, 16 sa Negros Oriental ug tulo sa Siquijor.
Ang active cases karon sa Central Visayas anaa sa 1, 094 samtang ang recoveries anaa sa 20,965 human nga 44 ang nadugang. —Le Phyllis F. Antojado/IBM (BANATNEWS)
- Latest
