200 ka violators nasikop sa Lapu-Lapu
CEBU, Philippines — Nadakpan sa kapolisan sa Lapu-Lapu City Police Office (LCPO) ang 200 ka tawo nga nakalapas sa gipatuman nga health protocol sa paglikay sa coronavirus disease.
Si Police Colonel Arnel Banzon nga maoy LCPO director miingon nga ilang gihugtan sa pag-monitor ang kadalanan nunot sa ilang tinguha nga kapugngan ang pagsaka sa kaso sa COVID-19 sa maong dakbayan.
Dugang pa niya nga kadaghanan sa mga nahimong kalapasan sa mga nadakpan mao ang wala pagsul-ob og face mask ug paglapas sa curfew ordinance nga gipatuman sa lokal nga kagamhanan.
"Majority of them as well are minors," nagkanayon si Colonel Banzon.
Ang Dakbayan sa Lapu-Lapu anaa pa gihapon ubos sa modified general community quarantine (MGCQ) nga base sa maong lagda , ang 15 anyos ngadto sa 65 anyos ang gitugotan nga makagawas.
Makabayad ang mga nadakpan og P1, 000 nga multa o ang pagpahigayon og community service. Apan kundili kini makabayad sa multa o dili makatuman sa community service, pasakaan kini og kaso sa korte.
"But if they cannot pay the fine or fail to undergo community service, we will file appropriate charges against them. We will go to court." nagkanayon si Colonel Banzon. —MEL (BANATNEWS)
- Latest
