^

Cimatu mibalik sa Cebu City

Decemay Padilla (Banat) - November 17, 2020 - 12:00am

CEBU, Philippines — Mibalik dinhi sa  Cebu City si Environment Secretary Roy Cimatu kinsa maoy IATF’s overseer dinhi sa Sugbo aron pagsusi sa report bahin sa kalit nga pagsaka og balik sa mga kaso sa Covid-19 dinhi sa siyudad. Matud ni Cimatu kinahanglang dayon kining masulbad.

 “Yung sudden increase of new cases, from a single digits, biglang nag 59.Tthis is really a news for a locality like the city of Cebu.I’m here as part of my mandate.This is something that needs to be attended immediately,” pamahayag pang Cimatu.

Ang siyudad usa sa mga malampusong LGUs pagkontrol sa pagkatap sa virus apan ning bag-o lang, nisaka og balik ang mga kaso human nga ang dakbayan nilugak sa paghigpit human gipaubsan ngadto sa modified general community quarantine ang dakbayan.

Apan bisan sa maong kalamposan, ang Inter-Agency Task Force for the Management of Emerging Infectious Diseases padayong nakatutok sa siyudad.

Gani sa IATF’s resolution no.81,  giisip ang Cebu City nga “area requiring special attention by the local government unit, and Regional IATF and the National Task Force.”

Hinuon, nalipay si Cimatu sa gibuhat sa Emergency Operations Center pinangulohan ni Konsehal Joel Garganera kansang grupo agresibong nagpahigayon og contact tracing pagpangita sa tinubdan sa virus aron mapugngan ang pagkatap pa niini.

“I’m happy to report to you, everything is already addressed to stop the continuing increase.  It’s in place already, based on the critic this morning,” matud ni Cimatu kinsa nanghinaut ang mokooperar ang publiko pagsunod sa mga health protocols.

Base sa uwahing datos nga gipagawas sa DOH Central Visayas niadtong Domingo, Nob.15, 2020, miabot na 292 ang active cases sa Cebu City .

Ang siyudad nakatala anang adlawa og dugang 30 ka mga bag-ong kaso ug karon aduna nay 10,468 total cases ang dakbayan, apan 9,494 niini nangaayo na samtang 682 na ang nakalas.

Samtang ang Mandaue City nakatala og walo ka bag-ong kaso  ug miabot na karon og 2,616 ang ilang mga kaso apan 2,385 niini nangaayo na ug 67 nalang ang aktibong kaso samtang 164 ang nangamatay.

Ang Lapu-Lapu City sab nakatala sab og pito ka bag-ong kaso  maong miabot na kini karon og 2,539 total cases apan 117 lang ang active cases human ang 2,314 na ang nangaayo ug 108 ang nakalas.

Sa datos sa DOH-7 ang Central Visayas duna nay 23,315 kinatibuk-ang kaso ug 1,127 pa ang active cases; 20,817ang recoveries ug 1,371 ang nakalas.

Nianang adlawa, ang rehiyon nakatala og 76 ka bag-ong kaso ang Probinsya sa Sugbo ug Siyudad sa Sugbo parehong nakatala og tag 30 ka bag-ong kaso.

Upat sa mga bag-ong naayo gikan sa Negros Oriental samtang ang usa gikan sa Probinsya sa Sugbo.

Samtang dunay usa nga natala nga namatay nga taga Probinsya sa Sugbo.— Le Phyllis F. Antojado, The Freeman/IBM

CEBU CITY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with