Rehistro sa mga drayber sa TPUJ natapos na kagahapon

Decemay P. Padilla (Banat) - November 5, 2020 - 12:00am

CEBU, Philippines — Kagahapon mao ang kataposang adlaw sa lugway nga gihatag sa Cebu City Jeepney Task Force alang sa pagparehistro sa mga drayber sa traditional public utility jeepney (TPUJ).

Nasayran nga ang on-site registration sa Cebu City Jeepney Task Force gipahigayon diha sa Plaza Sugbo ground atubangan sa Cebu City Hall gikan sa alas 9:00 sa buntag hangtud sa alas 3:00 sa hapon.

Gipahibawo sa Cebu City Jeepney Task Force nga sa adlawng Lunes sugdan ang Corona Virus Disease (COVID)-19 testing sa mga aplikante nga nagparehistro ug kadtong wala marehistro dili kini maapil sa mandatory COVID-19 testing.

Alang sa mga aplikante nga nagprehistro mahimong motawag sa Jeepney Task Force karong adlawa o sa adlawng Biyernes alang sa schedule sa COVID-19 testing.

Gipahibawo usab Cebu City Jeepney Task Force nga karong adlawa sugdan usab ang TPUJ unit pre-registration.

Giawhag ang mga operator sa TPUJ nga i-andam ang mga rekisitos sama sa certificate of registration(original), official receipt of registration(original),  personal passenger accident insurance (original) ug certificate of public convenience (original) ug ipa-photocopy kini          aron ang kopya maoy isumiter.

Ang maong proseso maoy gisunod sa Cebu City Government aron makabalik na og biyahe ang 1,355 ka traditional jeepneys sa dakbayan.

Sa laing bahin, ang mga drayber sa TPUJ nga taga Dakbayan sa Talisay nihangyo nga tugotan na usab unta silang makabiya ngadto sa Siyudad sa Sugbo.

Kini human sa report nga ilang nasayran nga makabiyahe na ang mga TPUJ sa rota sa Siyudad sa Sugbo.

Pipila ka drayber sa TPUJ nibisita diha sa city hall aron ipaabot ang ilang hangyo kang Mayor Gerald Anthony “Samsam” Gullas Jr.

Si Gullas pipila ka higayon na kining nihangyo ngadto sa Land Transportation and Franchising Regulatory Board (LTFRB) uban kang Jonathan Tumulak, hepe sa City of Talisay-Traffic Operations and Development Authority apan wala pa mosanong niini ang LTFRB tungod sa nagpadayon nga pandemiya.—Gabriel C. Bonjoc/BDB (BANATNEWS)

JEEPNEY
Philstar
  • Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with