Tulo ka durugista sikop atol sa buy bust

Romeo T. Limpangog (Philstar.com) - November 3, 2020 - 12:00am

CEBU, Philippines — Nasikop atol sa gipahigayong buy bust operation sa kapolisan sa Lungsod sa Cordova ang tulo ka suspetsadong drug pusher niadtong Domingo sa gabii diha sa Barangay Hilutongan.

Si Police Captain Al-Nico Haman, officer-in-charge sa Cordova Police Station niila sa mga suspetsado nga sila si Rusdy Nacua, 30, Dionesio Eyas, 40 ug Felix Premacio, 40, parehong residente sa nahisgutang dapit.

Nasakmit sa kapolisan gikan sa mga suspetsado ang 15 ka gagmay nga paketeng shabu ug P300 nga marked money.               

Ang tulo ka suspetsado nagtingkagol karon sa detention cell sa Cordova

Police Station ug gikatakdang pasakaan og kasong kalapasan sa Akta Republika 9165 kun “Comprehensive Dangerous Drug Act of 2002”. – Romeo T.  Limpangog/BDB

Kandila giingong hinungdan sa sunog

Ang gidagkotang kandila giingong maoy hinungdan sa nahitabong sunog niadtong niaging Domingo sa gabii nga niugdaw og panimalay diha sa Sitio Kalubihan, Barangay Guinsay, Dakbayan sa Danao.

Sa advisory sa Danao  City Fire Station ilang gipahibalo nga ang napasagdan nga gidagkotang kandila maoy hinungdan sa pag-ulbo sa kayo sa maong dapit.

Sa pakisusi sa kabomberohan sa maong dakbayan ilang nahibaw-an nga nagdagkot og kandila ang pamilya sa nasunog nga panimalay isip naandan nila nga pagahimuon sa matag saulog sa kalag-kalag.

Ang maong kandila nga gidagkotan giingong gibutang kini sa lamisa kauban usab sa gihalad nga mga pagkaon alang sa  mga kalag.

Ang maong kandila nakalimtan sa pagpawong ug dihang naupos na kini nisilaob ang kayo.

Sa nasayran ang mga personnel sa  Danao City Fire  Station higpit nga nagpahimangno sa mga molupyo sa kabarangayan sa paglikay sa sunog atol sa pagsaulog sa adlaw sa mga Santos ug kalag karong tuiga.

Sa ilang advisory nga gihimo ilang gipahimangnoan ang mga molupyo sa lugar nga pawngon gyud ang gidagkotang kandila human sa himuon nga pag-ampo ug sa dili pa matulog paglikay sa sunog. /BDB (BANATNEWS)

BUY BUST
Philstar
  • Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with