^

Pagsira sa mga sam-ang hayan usbon sunod tuig

Decemay Padilla (Philstar.com) - November 3, 2020 - 12:00am

CEBU, Philippines — Pagsirado sa mga sam-ang atol sa kalagkalag malampuson ug dunay mga sugyot nga mas maayong buhaton sab kini sunod tuig.

Si Konsehal Dave Tumulak, Chairman sa Committee on Disaster Risk Reduction miingon nga natuman gyud ang kamandoan nga di pasudlan ang mga sam-ang sugod adtong Domingo hangtud kagahapong adlawa. Ang kapulisan sa siyudad ug Prevention Restoration Order Beautification Enhancement (PROBE) maoy gitahasang mobantay sa mga sam-ang.

Ang pagpasira sa mga sam-ang dili lamang sa Sugbo gihimo kondili sa tibuok nasud. Sa paningkamot sa gobiyerno nga mapugngan ang pagkatap sa novel coronavirus disease nga posibleng mahitabo kun magpundok-pundok ang mga tawo sa mga sam-ang tungod sa okasyon.

Ang Inter-Agency Task Force (IATF) maoy mihimo og rekomendasyon niini nga gisundan sab sa mga local government units pinaagi sa pagpagawas og Executive Orders  sama sa gibuhat ni Cebu City Mayor Edgardo Labella. Matud ni Tumulak ang makasulod lang atol sa mga sam-ang mao ang kaparian, sakristan, lay ministers ug operator sa sound systems alang sa pagpahigayon sa Santos nga Misa alang sa mga nagpamisa.

Nalipay si Tumulak sa pagsabot sa katawhan sa gihimo sa siyudad. “Wala gyuy problema, wala gyuy nangadto sa menteryo naay uban mangadto pero magpatunol lang sa ilahang mga kandila ngadto sa dakong Krus, ang uban adto sa simbahan kay modawat man sad ang simbahan og mga buwak ug kandila,” sigon sa konsehal.

Ang mga sam-ang sirado gikan niadtong Oktubre 29 hangtod sa Nobyembre 4 ug human niini ablihan na kini pag-usab sama sa naandan para sa publiko apan magbase gihapon sa quarantine pass sa mga tawong moduaw.

“Pangitaan gihapon, kay ang mando sa kapulisan igo raman pagpatuman sa EO sa atoang Mayor nga odd ug even numbers. Nasayod mi kitang tanan nga naguol ta niining atong sitwasyon karon o wa ta makaduaw sa panahon sa adlaw sa mga kalag apan angay sab huna-hunaon nga ang kaning gibuhat sa gobyerno para man ni sa kaayuhan nato tanan nga di na mokatap pagbalik ang gidaghanon sa COVID-19 nga kaso,” ni Tumulak pa.

Kun si peace and order committee chairman Konsehal Philipp Zafra maoy pabut-on, mas maayong himuon kini sa sunod tuig.

Nagkanayon ang konsehal nga base sa ilang monitoring sugod niadtong Septiyembre 26  wala gyuy nagpabadlong nga mga indibidwal nga nanulod sa mga sam-ang.

Epektibo usab ang temporaryong pagpaguba kaniadto sa mga tindahan sa sementeryo tungod kay napugngan ang pagtapok-tapok sa mga tawo diha sa gawas sa mga menteryo.

Sa pagbukas og balik sa mga sementeryo karong Nobyembre 5, estritikto gihapon ang pagpatuman sa safety protocols sama sa pagsul-ob og face mask ug pagdala og quarantine pass.

Sa pikas bahin, hapsay ug malinawon nga natapos ang Kalag-Kalag 2020 sa Dakbayan sa Sugbo sumala pa sa kapolisan.

“Hapsay man atoang pag selebrar sa All Saints Day. Although, dili nato matawag nga selebrar kay ato mang gi-close ang mga sam-ang.

In general peaceful man ta although naa tay natala nga mga shooting but it is not related sa atong deployment sa Kalagkalag,” sigun ni Police Lt. Colonel Wilbert Parilla, Deputy for Operations ni Cebu City Police Office (CCPO) sa pakighinabi sa mga tigbalita.

Matod ni Parilla, adunay pipila nga misulay sa pagsulod sa mga sementeryo, nga naghangyo nga mobisita apan wala sila tugoti. –Sanden J. Anadia, Iris Mascardo/IBM (BANATNEWS)

DISASTER RISK REDUCTION
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with