Perpetual Succuor Hospital andam motubag sa pasangil
CEBU, Philippines — Andam ang Perpetual Succour Hospital nga tubagon ang pasangil batok sa mga opisyal ug empleyado niini nga gipasakaan og reklamo sa NBI-7 may labot sa PhilHealth claims sa coronavirus disease (Covid-19).
Ang NBI nisang-at kini og reklamong Malversation of public funds ug anti-graft and corrupt practices act batok sa upat ka mga personnel sa PSH uban sa walo pa ka mg opisyal ug empleyado sa PhilHealth-7.
Matud sa PSH nga kun madawat na nila ang complaint nga gisang-at batok sa ilang mga personnel, ila kining tubagon.
“ A detailed factual and legal counter-statement will be issued and filed with the Office of the Ombudsman proving their innocence and total absence of fraud or malice in the preparation and submission of the PhilHealth claim for Patient X,” matud sa pamahayag sa PSH pinaagi sa legal counsel niini nga si Atty. Jose Ray Bael. Ang PSH nagkanayon kompyansa kini nga ang PhilHealht claim alang sa maong pasyente “above aboard” sanglit base kini sa medical diagnosis sa mga competent ug respetado nga medical professionals.
“The claim was supported by medical records submitted to PhilHealth and passed scrutiny and applicable criteria set by PhilHealth circulars and guidelines,” dugang ni Bael.
Ang NBI nagkanayon nga moabot ngadto sa kapin P300 mil nga claim sa maong pasyente ang na credit sa PSH bisan nga dili Covid-19 ang namatyan niini ug gani negatibo kini sa coronavirus disease base sa tulo ka test nga gihimo. Ang PSH nagkanayon nga dili hinoon makiangayon nga ang NBI-7 gipubliko ang pagpasaka sa kaso bisan og wala pa makadawat og kopya sa reklamo ang mga gikasohan ug mahatagan og higayon nga makatubag sa mga pasangil batok kanila.
“Truth shall prevail and PSH will continue to uphold bio-ethical principles and the teachings of the Catholic Church in its vision to share in God’s saving and healing action,” pagbasa sa pamahayag sa PSH. (BANAT NEWS)
- Latest
