Tag P16 milyong hazard pay para sa brgy workers gipanghatag na
CEBU, Philippines — Gisugdan na sa Cebu City Government ang paghatag og hazard pay sa mga Barangay nga nakatuman sa mga rekisitos nga gipangayo sa Commission on Audit (COA).
Gipahibawo ni Mayor Edgardo Labella kagahapong adlawa ihatag sa Cebu City Government ang hazard pay sa mga Barangay Officials, SK Officials ug Barangay workers kinsa padayon nga mitrabaho taliwa sa hulga sa Corona Virus Disease(COVID)-2019 pandemic.
Moabot sa P16,250 ang madawat nga hazard pay sa mga nahisgutan kawani, tingob kini sa tag P250 nga hazard pay kada adlaw gikan sa Marso 28 hantod sa Mayo 31 ning tuiga.
Nasuta nga sa 80 ka Barangay sa Cebu City, 38 niini ang nakatuman sa mga rekisitos nga gipangayo ug nahatagan na sa hazard pay.
Ang maong mga Barangay naglangkob sa Pasil, Sawang Calero, Inayawan, San Antonio, Luz, Kinasang-an, Tabunan, Sapangdaku, Suba, Sñr. Sto. Niño, Banilad, Sudlon 1, Kalubihan, San Nicolas Proper, Pahina San Nicolas, Capitol Site, Bulacao, Basak San Nicolas, Cambinocot, Tagbao, Taptap, Hipodromo, Kalunasan, ug Sambag II.
“Nagsugod ta og pagpanghatag sa mga hazard pay sa atong mga Barangay workers from the Barangay Captain down to the last Barangay tanod not more than 100, to those Barangay workers nga na-expose intawon as frontliners during the time that we were under ECQ this was March 28 until May 31,” sigon ni Labella. (BANAT NEWS)
- Latest
