Tubig sa dagat duol sa minahan sa Alcoy daghang dolomite

CEBU, Philippines — Napuno o nahabolan og pulbos nga dolomite ang corals sa kadagatan nga anaa sa tungod sa Philippine Mining Service Corporation (PMSC) didto sa lungsod sa Alcoy sumala pa sa Kapitolyo.

Ang team sa Environmental Management Bureau (EMB-7) nanguha og sample didto sa Station 1 sa PMSC sa Barangay Poblacion ug nigawas sa resulta nga adunay ‘excessive’ Total Suspended Solids (TSS) niini.

Ang water samples anha gikuha sa ibabaw nga bahin sa dagat, tungatunga ug sa kinatugkaran niini niadtong Oktubre 14 ug giingong nagpakita nga of 191 mg/L;  176 mg/L;  ug 192 mg/L, ang pulbos o abog nga dolomite.  Giingong nga lapas kini sa guideline value nga 25 mg/L  lamang dapat.

"TSS is defined as solids in water that can be trapped by a filter. To measure it, the water sample is filtered through a pre-weighed filter," matud sa news release sa Probinsya sa Sugbo. Sumala pa sa report niini bisan ang mga samples nga nakuha gikan sa station 2 ug station 4 sa PMSC nagpakita gihapon nga ‘excessive’ kini og TSS.

Sumala sa Sugbo News, ang news portal sa Probinsya sa Sugbo, base sa report sa Department of Environmental and Natural Resources (DENR-7) nagpakita luoy kaayo ang kahimtang ang mga gasang sa maong dapit o "poor coral condition."

"Presence of old coral rubbles in both PMSC areas, high levels of macro-algae specifically Padina sp. and Sargassum sp. found at PMSC Area 1, and results of the assessment undertaken currently and in 2017 were categorized under poor condition of coral cover," sumala pa sa maong report. Si Cebu Governor Gwendolyn Garcia uban sa tabang sa Provincial Legal Office gikatakda nga mosulat ngadto kang DENR Secretary Roy Cimatu kalabot sa danyos sa kadagatan  sa lugar.

Nakigtagbo sab si Garcia sa mga representante sa DENR 7 ug EMB 7 nga maoy nagpahigayon og Coral, Fish Biomass, and Seagrass Assessment ug Ambient Air and Water Sampling sa lungsod sa Alcoy. /IBM (BANATNEWS)