Honest nga enforcer gipasidunggan ni Cortes
CEBU, Philippines — Gipasidunggan ni Mayor Jonas Cortes ang usa ka traffic enforcer kinsa maoy nakakaplag sa tseke nga adunay kantidad tanan nga P1.1 milyon ug niuli niini ngadto sa tag-iya.
Gihangop ni Cortes ang maong buhat ni Jose Feraniel Jr., 54, traffic enforcer sa Traffic Enforcement Agency of Mandaue (TEAM) ug gipasigarbo kini sa kagamhanan sa siyudad.
Nasayran nga nadestino si Feraniel diha sa dalan Sudlon, Barangay Maguikay niadtong Oktobre 22, 2020 ug wala damha nga iyang nasigpatan ang papel nga nilupad gikan sa nilabay nga sakyanan.
Ug sa iyang pagsusi nasuta nga usa kini ka pay to cash nga tseke hinungdan nga dali niyang gitawagan ang iyang supervisor sa TEAM nga si Rolando Templado sa ilang buhatan hinungdan nga nauli ngadto sa tag-iya niini ang tseke.
Si Cortes kinsa nihatag og plaque of recognition kang Feraniel nipadayag sa iyang pagdayeg sa enforcer. /BDB (BANATNEWS)
- Latest
