P30mil nga cash incentives sa private health workers ihatag
Romeo T. Limpangog (Philstar.com) - October 27, 2020 - 12:00am

CEBU, Philippines — Gipahibalo ni  Mayor Edgardo Labella nga sugdan na  karong Huwebes, Oktubre 29 ang distribusyon sa cash incentives  alang sa health workers sa mga pribadong tambalanan.

Tag P10,000 matag buwan ang ilang madawat gikan sa Agosto , Septiyembre ug Oktubre busa moabot og P30,000  ang ilang cash incentives nga dawatonon.

Karong Huwebes , ang buwan sa Agosto una ang madawat sa health workers sanglit giproseso pa ang Septiyembre ug Oktubre.  Mahitabo ang distribusyon sa mga hospital mismo kun asa nagtrabaho ang health workers.

Una na nga gipahibalo sa mayor nga naabot na sa sa accounting office ang  listahan sa  health workers .

Langkoban kini sa medical workers sa pribadong tambalanan nga sama sa mga doktor, nurse, medical technologist, ug uban pa nga staff sa tambalanan kinsa nadestino alang sa pagpakigbatok sa COVID-19.

Nikabat ngadto sa 2,000 ang nalakip sa listahan sa mga makabenipisyo sa maong incentives.

Una na nga gibutyag sa kagamhanan sa siyudad nga nataod-taoran ang  paghan-ay sa guidelines ug mga dokumento niini sanglit  mao kini ang labing unang higayon nga  nihatag ang siyudad og incentives sa mga empleyado sa pribadong kompanya. — Sanden J. Anadia/IBM

Gibahaan sa Mandaue City gitabangan sa DSWD-7

Nakadawat og hinabang nga salapi ug relief  packs gikan  sa Deparment of  Social Welfare (DSWD) 7  ang 4,400 ka pamilya sa Dakbayan sa Mandaue nga naapektahan sa mga pagbaha sa miaging semana.

Ang gitabangan mga molupyo sa Barangay Alang-Alang, Canduman. Casuntingan, Maguikay, Paknaan, Tabok, Tingob, ug Umapad.

Ang hinabang gilangkoban sa mga relief packs ug financial assistance aron sa pagpaayo sa naguba nilang mga panimalay ug ingon man paghatag og financial assistance ubos sa Assistance to Individuals in Crisis Situation (AICS) program sa gobiyerno niadtong mga wala makadawat og financial aid ning panahon sa pandemiya ubos sa.

Mokabat sa P7.4 milyones ang nahatag ngadto sa biktima sa pagbaha sa maong dakbayan. Kadtong ang balay naguba sab aha gihatagan og tag P5,000 ; P2,500 alang sa partially damaged ug P500  usab ang nadawat alang sa wala makasinati og kadaut ang gipuy-anga panimalay. /IBM (BANATNEWS)

HEALTH WORKERS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with