P15B gisugyot nga budget sa probinsiya sa sunod tuig
CEBU, Philippines — Nikabat ngadto sa P15 bilyones ang giduso sa Probinsiya sa Sugbo nga proposed budget alang sa tuig 2021diin 25 porsyento ang saka niini gikan sa P12 bilyones nga budget karong tuiga. Base sa summary appropriations alang sa proposed 2021 budget, ang gobernador niduso og P10.6 bilyones nga budget alang sa sunod tuig diin 33.37 porsyento ang saka niini gikan sa P7.9 bilyones karong tuiga.
Ang mga provincial ug district hospital nangayo kini og P1.914 bilyones alang sa tuig 2021 diin ubos kini og 3.83 porsyento itandi sa P1.990 bilyones sa karong tuiga.
Ang Cebu South Bus Terminal (CSBT) nangayo kini og P37.8 milyones nga pundo alang sa sunod tuig nikunhod kini og 22.33 itandi sa P48.6 milyones karong tuiga. Samtang ang buhatan sa bise gobernador niduso kini og P66.1 milyones nga budget alang sa sunod tuig; Planning and Development Coordinator, P32.4 milyones; General Services Office, P398 milyones; Social Welfare Office, P233 milyones; Agriculturist Office, P248 million nisaka kini og 279. 47 porsyento gikan sa P65 milyones karong tuiga; Provincial Environmental and Natural Resources Office, P26.8 milyones; Engineering Office, P87.3 million. /BDB (BANATNEWS)
- Latest