P6 milyones shabu, mga armas nakuha
Ang Station Drug Enforcement Unit sa Mambaling Police Station uban ang PDEA RO7 ang nihimo sa maong operasyon ug nasakmit gikan kaniya ang 26.38 gramos sa shabu, buy bust money lakip ang usa ka Colt MK IV series 80 .45caliber pistola ug mga bala.
STAR/File
P6 milyones shabu, mga armas nakuha
Rowena D. Capistrano (Banat) - October 24, 2020 - 12:00am

CEBU, Philippines — Kapin P6 milyones nga balor sa gidudahang shabu ang nasakmit sa managlahing buy bust operations sa kapulisan sa Dakbayan sa Sugbo ug sa Toledo niadtong Huwebes. Unang operation nahitabo sa may Sitio Naba, Alaska, Barangay Mambaling ning Dakbayan sa Sugbo  ug nasikop si Jimboy Abanes, alyas Wangbu, 31.

Ang Station Drug Enforcement Unit sa Mambaling Police Station uban ang PDEA RO7 ang nihimo sa maong operasyon  ug nasakmit gikan kaniya ang 26.38 gramos sa shabu, buy bust money lakip ang usa ka Colt MK IV series 80 .45caliber pistola ug mga bala.

Ikaduhang nasikop mao sila si Remedion Paraiso, 43, taga Campo 8 Toledo City, ug Mauricio Paran Jr, 44, taga Kimwa Das sa maong dakbayan.

Ang duha nadakpan sa grupo ni PLt. Col. Dave Mahilum diha sa checkpoint  sa may Plaza sa Barangay Das tungod kay wala nag-helmet ug walay facemasks. Misuway unta sila pagsibat apan napugngan  ug sa pagsusi kanila nakuhaan si Paraiso og usa ka .357 revolver nga adunay bala ug 14 ka medium packs sa ginadili nga drugas.

Samtang si Paran nakuhaan og 16 ka medium size sa shabu, usa ka large tea bag nga adunay shabu, timbangan, bag ug improvised nga measuring tool.

Sa kinatibuk-an niabot ngadto sa 867.74 gramos nga gituohang shabu nga mobalor og P5.9 milyones. /IBM (BANATNEWS)

DRUGS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with