Cimatu: Cebu City COVID-19 response ipasunod sa uban

CEBU, Philippines — Gidayeg ni Environment Secretary Roy Cimatu ang kagamhanan sa Dakbayan sa Sugbo gumikan sa malampuson nga pakigkombate sa siyudad sa COVID19.

Suma pa niya nga iyaha usab nga napaambit sa ubang mga LGUs sa nagkalaing-laing dapit sa nasud ang pamaagi  o template sa dakbayan sa kampanya batok sa gikahadlokan nga virus busa nagsilbi na kini nga modelo sa laing lugar.

Sumala pa niya nga tungod sa maayong pagdumala sa mga opisyales, kapolisan ug uban pa nga ahensya , nimenos gyud ang kaso sa coronavirus disease dinhi sa dakbayan.

Gitataw niya nga epicenter ang siyudad sa maong sakit kaniadto, apan karon , mao na usab kini ang epicenter sa nagmalampuson nga pakigkombate niini.

Matud pa ni Cimatu nga nisaler usab ang koordinasyon niya ngadto sa nga kapitan sa barangay alang sa hugot nga pag-implementar sa safety protocols.

Nagpasalamat si Mayor Edgar Labella ngadto kang Cimatu gumikan sa pag-abag niini sa sitwasyon sa siyudad.

Si Cimatu mibisita kagahapon dinhi sa dakbayan  ug gipresentar kaniya sa siyudad ang kalamposan.

Lakip sa gipahibaloi kaniya nga napulo ka adlaw ng walay natala nga namatay dinhi sa siyudad tungod niining COVID-19; gipakita sab nila nga nagtakdo ang reporting sa Cebu City Health Department ug Department of Health(DOH)-7 ingon man ang nagkaubos nga active cases sa COVID-19 sa siyudad.

Apab bisan paman sa maong kalampusan si Sec. Cimatu mitataw nga dili gyud mokompiyansa ilabi nga ilang tinguha mao nga ma zero ang active cases sa Cebu City.

“I challenge and it was accepted actually by Councilor Garganera about a possible zero because I was looking at the recovery versus the new cases if the recovery is more than the new cases then is it decreasing already, this active cases, our objective is to bring down this active case to zero and this is really I would not a possible one to day but It can be done,” matud ni Cimatu.

Sumala pa ni Cimatu ang liderato ni Labella ug team work sa tanan ilabi na sa mga barangay ug health authorities nga mihimo gyud sa ilang trabaho ug ang pagdawat sa kamatuoran nga duna gyuy problema ug kini mao ang virus.

Samtang si Police Regional Office-7 Director Brigadier General Albert Ignatius Ferro midayeg sa gihimo sa Cebu City Police Office bisan paman og daghan sa ilang mga tawo ang naigo sa COVID-19. —Decemay P. Padilla/IBM (BANATNEWS)