Tunghaan sa Lahug naugdaw

CEBU, Philippines — Usa ka 2-storey pre-school building sa Veterans Drive sa Barangay Lahug sa Dakbayan sa Sugbo ang nasunog Miyerkules sa gabii Ang alarma nadawat sa kabomberohan alas 7:45 ug hingpit nga napawong  alas 8:33 na sa gabii. Gibana-bana nga P800 mil ang danyos sa maong sunog. Walay gikataho nga naangol o nakalas tungod sa maong hitabo.

Matud pa Fire Officer 2 Emerson Arceo, Fire Investigator sa Cebu City Fire Station apil sa ilang tan-awon kun electrical wiring sa building ang posibleng hinungdan human giingong nakit-an nga ni spark ang circuit breaker niini. /IBM (BANATNEWS)