Simbahang katoliko wa pay baruganan kabahin sa same sex union

CEBU, Philippines — Kadagkuan sa simbahan sa Archdiocese of Cebu niawhag sa mga magtutuo sa pagpaabot sa official statement nga luwatan sa Roman Catholic Church may kalabutan sa baruganan sa same sex unions.

Kini human si Pope Francis niluwat sa usa ka documentary, niadtong Miyerkules diin nagbutyag nga ang homosexuals angayan protihian ug civil union laws.

Nakabaton og lain-laing reaksyon ang katawhan diin adunay niuyon sa santo papa ug aduna usay ni kwestyon sa pamahayag niini nga sukwahi sa pagtulon-an sa simbahan.

Ang tigpamaba sa Archdiocese of Cebu Msgr. Joseph Tan, nitug-an, ang Vatican wala pa nihatag ug pamahayag may kalabutan sa maong documentary hinungdan nga magpaabot pa sila sa kalambuan niini.

“The Vatican is still to clarify this “documentary” on the issue of civil union for same sex couple, to date the church has not yet made such a pronouncement, let us wait for further developments on the matter” tipik sa pamahayag ni Tan.

Ang maong pamahayag sa santo papa padayon kining nakaani ug lain-lain nga reaksyon ug daghan ang nipagawas sa ilang lain-lain nga sentimento. /MEL (BANATNEWS)