Mga libudsuroy nga na-rescue ipaubos sa livelihood training
Sanden J. Anadia (Banat) - October 20, 2020 - 12:00am

CEBU, Philippines — Si Cebu City Mayor Edgar Labella nitahas sa Department of Manpower Development and Placement (DMDP) nga tanyagan og libreng vocational skills training programs ang mga libudsuroy ug makililimos nga taga siyudad kinsa na-rescue sa niaging semana.

Sa maong pamaagi makat-on ang mga libudsuroy nga makabaton og panginabuhian gamit ang tinagoan nila nga kahanas.

Sayo pa, gipatuman ni Labella ang massive rescue sa mga libudsuroy alang sa kahapsay sa kadalanan sa siyudad.

Usa usab kini sa pamaagi nga mamintinar ang social distancing diha sa kadalanan ug aron malikayan ang pagkuyanap sa COVID-19.

Si Labella nagkanayon nga padayonon sa kapolisan ang kanunay nga pag-roving aron masiguro nga dili na mamalik og puyo diha sa daplin sa kadalanan ang mga libudsuroy.

Nasayran nga gipaubos usab  og profiling  ang mga bata nga nangatulog diha sa mga sidewalk  aron mahatagan og tukmang pahimangno  ang mga ginikanan niini.  Ang maong mga bata gipaubos kini sa medical checkup sa Cebu City Medical Center (CCMC) ug pipila kanila ang gipapauli sa tagsa-tagsa nila ka probinsiya.

Nagpahimo usab ang kagamhanan sa siyudad og temporaryong kapuy-an alang sa mga libodsuroy diin anha una silay mopuyo samtang giproseso ang pagpauli  ngadto sa ilang orihinal nga pinuy-anan.

Sayo pa, giawhag ni Interior and Local Government Undersecretary Martin Diño  ang tanang local authorities nga mobuhat og aksiyon aron mapugngan ang mga makililimos diha sa kadalanan diin adunay posibilidad nga usa sila sa mahimong hinungdan sa pagkuyanap sa COVID-19. /BDB (BANATNEWS)

RESCUE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with