150 ka pamilya sa Danao nakabalik na sa ilang mga balay
Rowena D. Capistrano (Banat) - October 19, 2020 - 12:00am

CEBU, Philippines — Nikabat  sa 150 ka pamilya gikan sa Sitio Pasil ug Comon sa Barangay Maslog, Dakbayan sa Danao ang nakabalik na sa ilang mga panimalay human sila gipabakwit tungod sa nasinating baha diha sa ilang lugar niadtong Sabado sa gabii.

Ang City Disaster Risk Reduction and Management Office (CDRRMO) niawhag sa nahisgutang mga residente nga mobakwit dihang nisaka ang tubig diha sa ilang lugar.

Si Kapitan Nestor Colon nibutyag nga flood prone area ang maong mga lugar sa ilang barangay.

Ang maong mga residente gidala kini diha sa Maslog National High School.

Ang mga apektadong pamilha gihatagan kini og ayuda sa kagamhanan sa siyudad.

Sa laing bahin, gitinguha karon sa kagamhanan  sa Dakbayan sa Mandaue ang pag-umol og task force nga maoy tahasan sa pag-monitor sa ilang mga lugar nga  duol sa Mahiga Creek ug Butuanon River.

Si Atty. Lizer Malate, hepe sa City Emergency Operation Center nagkanayon nga ang duha ka sapa sa siyudad giila kini nga danger zones o flood prone area.

“It’s basically an agreement of coordination naa sa barangay mismo kahibawo sila unsa ilang role”, matud ni Malate.

Nasayran nga niadtong Miyerkules sa gabii sa niaging semana naapektohan ang 2,802 ka molupyo sa mga barangay sa Umapad, Paknaan, Subangdaku ug Casuntingan diin ang maong mga lugar nakasinati kini og baha.

Gibutyag ni Malate nga padayonon ang clearing operation sa mga informal settler nga nagpuyo diha daplin sa Butuanon River ug Mahiga Creek.

Tumong usab niini nga ang Department of Public Works and Highways makapadayon sa ilang flood control project. Romeo T. Limpangog/BDB (BANATNEWS)

DANAO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with