Cebu City upat ray natala
CEBU, Philippines — Padayon nga nagkagamay ang gidaghanon sa mga natala nga bag-ong kaso sa Covid-19 dinhi sa Central Visayas base sa nigawas nga resulta sa laboratory test nga gihimo sa DOH-Central Visayas nga nagpakita nga 23 lang ka bag-ong kaso ang natala niadtong Oktubre 16, 2020.
Ang upat niini gikan sa Cebu City samtang 19 ang sa Probinsya sa Sugbo. Ang syudad sa Lapu-Lapu ug Mandaue lakip na ang silingang Probinsya sa Bohol, Negros Oriental ug Siquijor walay natala.
Anaa sa 957 ang active cases a sa Covid-19 sa region 7 samtang ang recoveries anaa sa 19, 424 human 26 usab nadugang sa recoveries.
Ang cumulative total anaa sa 21, 690 kon diin 1, 309 ang natala nga namatay.
Sa laing bahin, ang Talisay City aduna nalang 10 ka mga aktibong kaso base sa nigawas nga resulta niadtong Oktubre 15 ning tuiga nga nagpakitang wa nadugang nga kaso samtang duha ang nakarekuber.
Sa kinatibuk-an, 981 ang kaso sa Talisay apan 873 ang nakarekuber ug 98 ang nangamatay. Padayon nga gihangyo ang tanan nga mag amping kanunay ilabi na sa pagtuman sa mga lagda nga malikay sa virus. —Gabriel Bonjoc/IBM (BANATNEWS)
- Latest
